کراچی: فرانس میں پاکستان انٹرنیشنل ایئرلائنز (پی آئی اے) کے ملازمین یورپ کے لیے پی آئی اے کی پروازوں پر پابندی کے باوجود تنخواہیں اور دیگر مراعات وصول کر رہے ہیں۔
ذرائع کے مطابق قومی ایئرلائن یورپی یونین (ای یو) کی پروازوں پر پابندی کے باوجود پی آئی اے پیرس کے فنانس منیجر سمیت دیگر عملے کو سالانہ لاکھوں یورو ادا کر رہی ہے۔
Image Source: Pro Pakistani
ذرائع کا کہنا ہے کہ یورپ میں ملازمین کی ریٹائرمنٹ کی عمر 64 سال ہے تاہم اسسٹنٹ منیجر جاوید شیخ جن کی عمر 74 ہے وہ پی آئی اے کے ملازم کے طور پر اپنی خدمات سرانجام دے رہے ہیں۔
پیرس میں فنانس منیجر اور عملے کو ماہانہ 30,000 یورو ادا کیے جا رہے ہیں، ان کا کہنا ہے کہ قومی ایئر لائن پیرس کے ملازمین کو ہر چھ ماہ بعد بونس بھی دے رہی تھی۔
واضح رہے کہ ای اے ایس اے کی جانب سے یورپی یونین کے رکن ممالک کے لیے پروازیں چلانے کی قومی ایئرلائن کی اجازت کو معطل کرنے کے بعد پی آئی اے کو یورپی یونین کی ریاستوں کے لیے پروازوں سے روک دیا گیا تھا۔
یہ پابندیاں 20 مئی 2022 کو کراچی طیارہ حادثے اور وزیر ہوا بازی غلام سرور کے اس بیان کے بعد لگائی گئی تھیں کہ تقریباً 40 فیصد پاکستانی پائلٹس کے پاس جعلی لائسنس تھے۔