پہلے حکومت بننے دیں، بچہ پیدا ہو گا تو نام رکھیں گے؛کیپٹن صفدر

مریم نواز کے شوہر کیپٹن صفدر جو بہت عرصہ سے خاموش تھے آج میڈیا کے سامنے کھل کر بولے اور انھوں نے بڑے دلچسپ تبصرے کیے – کیپٹن (ر) صفدر کا کہنا تھا کہ بانیٔ پی ٹی آئی کنٹینر پر مولانا فضل الرحمٰن سمیت علمائے کرام سے متعلق ہرزہ سرائی کرتے تھے، کل کم ازکم وہ علمائے کرام کے قدموں میں تو بیٹھ گئے۔

اسلام آباد میں الیکشن کمیشن کے باہر میڈیا سے گفتگو کرتے ہوئے رہنما مسلم لیگ ن کیپٹن (ر) صفدرنے کہا کہ میاں نواز شریف پارلیمانی سیاست سے کبھی علیحدہ نہیں ہوں گے، میاں صاحب زیادہ توانا ہو کر آئے ہیں، وہ پاکستانی سیاست اچھی طرح سنبھالیں گے۔ ان کا کہناتھا کہ قائدِ اعظم، ذوالفقار علی بھٹو اور نواز شریف عوام کا دکھ درد رکھنے والے لوگ ہیں، نواز شریف نے اپنا سب کچھ پاکستان پر قربان کیا۔کیپٹن (ر) صفدر نے کہا کہ بانیٔ پی ٹی آئی کنٹینر پر مولانا فضل الرحمٰن سمیت علمائے کرام سے متعلق ہرزہ سرائی کرتے تھے، کل کم ازکم وہ علمائے کرام کے قدموں میں تو بیٹھ گئے۔انہوں نے مزید کہا کہ جمہوریت کا یہی حسن ہے کہ سیاستدان ایک دوسرے سے ملتے ہیں۔

اس موقع پر کیپٹن ریٹائرڈ صفدر سے صحافی نے سوال کیا کہ کیا جو حکومت بننے جا رہی ہے وہ زیادہ عرصہ چل پائے گی؟کیپٹن ریٹائرڈ صفدر نے جواب دیا کہ پہلے حکومت بننے دیں، بچہ پیدا ہو گا تو نام رکھیں گے پھر بتائیں گے کہ کتنا عرصہ چلے گی۔لیکن جس طرح کی کمزور حکومت بننے جارہی ہے اس پر تجزیہ کاروں کی عمومی رایے یہی ہے کہ یہ حکومت 12 سے 18 ماہ میں مہنگائی کے سبب گر جائے گی -اب دیکھتے ہیں کہ آنے والے دنوں میں یہ کیسے کام اور پرفارم کرتی ہے ؟