پنجاب میں اس وقت کئی شہروں میں بادلوں کے ڈیرے ہیں ،آج لاہور میں کہیں کہیں ہلکی بارش ہوئی مگر اب محکمہ موسمیات نے دعویٰ کیا ہے کہ چند روز میں شدید بارشوں کا سلسلہ شروع ہونے والا ہے -پی ڈی ایم اے نے پنجاب میں 10 سے 15 جولائی تک مون سون بارشوں کا الرٹ جاری کردیا ہے۔ ڈی جی پی ڈی ایم اے کے بیان کے مطابق بارہ سے چودہ جولائی تک جنوبی پنجاب کے بیشتر اضلاع میں آندھی اور تیز بارش کے امکانات ہیں۔بارشوں سے پنجاب کےندی نالے بپھر نے اور اربن فلڈنگ کےخطرےکے پیش نظربڑے شہروں کی انتظامیہ کو خبردار کردیا گیا ہے کہ الرٹ رہے اورپیشگی انتظامات مکمل کریں۔
یہ بھی کہا گیا ہے کہ طوفان سےبجلی کےکھمبوں اور سولر پلیٹوں کو نقصان پہنچ سکتا ہے ۔ڈی جی پی ڈی ایم اے کا کہنا ہےکہ وزیراعلیٰ پنجاب مریم نوازکی ہدایات کے پیش نظر متعلقہ محکمے الرٹ رہیں۔محکمہ آبپاشی،مواصلات،صحت،لائیواسٹاک،لوکل گورنمنٹ تمام کمشنرز اور ڈی سیز کوالرٹ رہنےکی ہدایات کی گئی ہے،جبکہ ریسکیو،واسا،پنجاب پولیس اورسول ڈیفنس کو بھی موسمی صورتحال بارے الرٹ جاری کردیا گیا۔
تاہم باقی صوبوں میں ملک کےبیشترعلاقوں میں موسم گرم اورمرطوب رہےگا، البتہ ک ے پی،جنوب مشرقی سندھ، شمالی اورجنوب مشرقی بلوچستان میں چندمقامات پربارش کا امکان ہے، جبکہ اسلام آباد میں تیز ہواؤں اور گرج چمک کے ساتھ بارش کی توقع ہے۔
