لاہور (انٹرنیوز) حکومت پنجاب نے صوبے بھر میں خصوصی افراد کیلئے ہمت کارڈ اور بیت المال کے تحت نگہبان کارڈ جاری کرنے کا فیصلہ کر تے ہوئے ہر ڈویژن میں خواتین پر تشدد کے سدباب کیلئے وی اےڈبلیو سی سنٹرز بنانے کی منظوری دے دی۔تفصیلات کے مطابق وزیر اعلی پنجاب مریم نواز کی زیرصدارت سوشل ویلفیئر اینڈ بیت المال ڈیپارٹمنٹ بارے اجلاس کا انعقاد ہوا جس میں سینئر صوبائی وزیر مریماورنگزیب، سینیٹر پرویز رشید، صوبائی وزیر سوشل ویلفیئر اینڈ بیت المال سہیل شوکت بٹ، ایم پی اے ثانیہ عاشق، پرنسپل سیکرٹری، سیکرٹری سوشل ویلفیئر اور دیگر متعلقہ حکام نے شرکت کی ۔وزیراعلی کو سوشلویلفیئر اینڈ بیت المال ڈیپارٹمنٹ سے متعلق تفصیلی بریفنگ دی گئی۔اجلاس میں سوشل ویلفیئر اینڈ بیت المالڈیپارٹمنٹ کی ڈیجیٹائزیشن کی اصولی منظوری دے دی گئی۔وزیر اعلی نے سپیشل افراد کا مستند ڈیٹا مرتبکرنے ،سپیشل افراد کیلئے خصوصی ‘ہمت کارڈ’اور بیت المال کے تحت ‘نگہبان کارڈ’کے اجرا کا فیصلہ کیاگیا ہے، معذوری کے ساتھ کام کرنے کے اہل افراد کیلئے قرضہ سکیم کے اجرا اور معذور افراد کو وہیلچیئر اور دیگر مددگار آلات مہیا کرنے کا فیصلہ کیا گیا ہے۔
وزیراعلی نے سرکاری عمارتوں میں ریمپ اورسپیشل پرسن باتھ روم کی پابندی پر عملدرآمد کی رپورٹ طلب کر لی جبکہ ہر نئی سرکاری بلڈنگ میںسپیشل افراد کیلئے باتھ روم اور ریمپ لازمی قرار دے دیا گیا۔اجلاس میں فیصلہ کیا گیا کہ سپیشل افراد کومالی خودمختاری کیلئے ایک سے دو لاکھ روپے قرضہ دیا جائے گا۔اجلاس میں لاہور، ملتان اور فیصل آبادکے سکلز ڈویلپمنٹ سنٹرز کو فعال بنانے اور دیگر اضلاع میں قائم کرنے کا جائزہ لیا گیا جبکہ سپیشل افرادکیلئے کام کرنیوالی این جی اوز کے آڈٹ کی تجویز پر بھی غور کیا گیا اور ہر ڈویژن میں منشیات بحالی سنٹرز کے قیام کی تجویز کا بھی جائزہ لیا گیا۔اجلاس میں ہر ڈویژن میں خواتین پر تشدد کے سدباب کیلئے ویاے ڈبلیو سی سنٹرز بنانے کی منظوری بھی گئی جبکہ وویمن پروٹیکشن اتھارٹی ٹاسک فورس بنانے کی بھی تجویز زیر غور آئی –