پشاور کے شہری جو بی آر ٹی بس سروس میں سفر کرتے تھے ان کے لیے ایک بری خبر ہے کہ بدترین معاشی حالات کے سبب اب یہ بس سروس اپنے روٹ پر رواں دواں نہیں رہ سکے گی – پشاور میں چلنے والی بی آر ٹی سروس مالی بحران کا شکار ہے۔نجی ٹرانسپورٹ کمپنی نے 75 کروڑ روپے سے زیادہ بقایاجات کی عدم ادائیگی پر سروس بند کرنے کا فیصلہ کیا ہے۔
پشاور میں چلنے والی بی آر ٹی بس سروس مالی بحران کا شکار ہو گئی جس کے باعث نجی کمپنی نے سروس بند کرنے کا فیصلہ کیا ہے۔#آئی_این_پی#انڈیپنڈنٹ_نیوز_پاکستان#BRT
click on ⬇️ linkhttps://t.co/O1wswrYy12
— Independent News Pakistan (@inppakistan) June 3, 2023
جیو نیوز کے مطابق نجی کمپنی نے وزیراعلیٰ خیبرپختونخوا، محکمہ ٹرانسپورٹ اور متعلقہ حکام کو خط بھی ارسال کیا ہے جس میں کہا گیا ہےکہ بی آر ٹی وہیکل آپریشن اور مینٹیننس سروسز کی مد میں 75کروڑ40 لاکھ روپے کے بقایاجات ہیں۔ٹرانس پشاور نے فروری، مارچ، اپریل اور مئی کے بقایاجات تاحال ادا نہیں کیے جس سے کمپنی شدید مالی بحران سے دوچار ہے۔ دوسری جانب صوبائی نگران وزیر ٹرانسپورٹ شاہد خان خٹک نے جیو نیوز کو بتایا کہ ٹرانس پشاور نے سمری وزیر اعلیٰ کو بھیجی ہے، کس کس مد میں ادائیگیاں کرنا ہیں، اس کا باقاعدہ آڈٹ کیا جائے گا۔
