پتوکی میں فیکٹری بس الٹنے سے 3افراد جاں بحق ؛17 زخمی

پتوکی (انٹرنیوز)پتوکی میں ملتان روڈ پر نجی فیکٹری کی بس الٹنے سے 3افراد جاں بحق اور 17خواتین زخمی ہو گئیں جنہیں ہسپتال منتقل کردیا گیا ۔تفصیلات کے مطابق پتوکی میں نجی فیکٹری کی بس الٹنے سے 3افراد جاں بحق اور 17خواتین زخمی ہو گئیں، پولیس کے مطابق بس ملازمین کو لے کرمانگا منڈی سے اوکاڑہ جا رہی تھی کہ سائیں دی کھوئی کے قریب سڑک پر کام میں لگے میونسپل ملازمین کو بچاتے ہوئے الٹ گئی۔پولیس کے مطابق حادثے میں جاں بحق ہونیوالوں میں بس ڈرائیور رئیس، سلیم اور علی عباس شامل ہیں جبکہ زخمی ہونیوالی 17خواتین کو ہسپتال منتقل کر دیا گیا ہے۔