پاکستان اور بھارت کے درمیان اپنے ملک کا بلند ترین پرچم لگانے کا مقابلہ جاری ہے -سب سے پہلے 2017ءمیں بھارت نے 360فٹ کی بلندی پر اپنا پرچم لہرایا تھا جس کے جواب میں 14اگست 2017ءکو پاکستان نے 400فٹ کی بلندی پر پرچم لہرایا۔
پاکستان اور بھارت کے مابین بلند ترین پرچم لہرانے کی دوڑ آئندہ یوم آزادی پر بھی ہوگی کہ پاکستان نے 40کروڑ روپے کی لاگت سے اپنا قومی پرچم 500فٹ کی بلندی پر لہرانے کا فیصلہ کر لیا ہے۔ ڈیلی پاکستان گلوبل کے مطابق اس مقصد کے لیے لاہور میں 500فٹ بلند ٹاور بنایا جائے گا۔
میڈیا رپوٹس کے مطابق اس منصوبے پر پنجاب حکومت ترقیاتی بجٹ سے 40کروڑ روپے کی رقم خرچ کرے گی۔ یہ بلند ترین پرچم لاہور کے لبرٹی چوک میں 14اگست 2023ءکو یوم آزادی پر لہرایا جائے گا۔ واضح رہے کہ گزشتہ سال بھارت اس معاملے میں پاکستان پر سبقت لے گیا تھا، جس نے اٹاری بارڈر پر418فٹ بلند پرچم لہرایا تھا۔