اسلام آباد: پاکستان نے سعودی عرب کے مختلف حصوں میں شہری انفراسٹرکچر اور توانائی کی تنصیبات کو نشانہ بنانے کے لیے حوثی ملیشیا کی جانب سے شروع کیے گئے ڈرون اور میزائل حملوں کی شدید مذمت کی ہے، جنہیں رائل سعودی ایئر ڈیفنس فورسز نے کامیابی سے روک کر تباہ کردیا۔
ایک بیان میں دفتر خارجہ کے ترجمان عاصم افتخار نے ان حملوں کو فوری طور پر بند کرنے کا مطالبہ کیا جو بین الاقوامی قوانین کی خلاف ورزی اور سعودی عرب اور خطے کے امن و سلامتی کے لیے خطرہ ہیں۔
ترجمان نے پاکستان کی خود مختاری اور علاقائی سالمیت کو لاحق کسی بھی خطرے کے خلاف برادر مملکت سعودی عرب کے ساتھ مکمل حمایت اور یکجہتی کا اعادہ کیا۔
سرکاری میڈیا کی تفصیلات کے مطابق، جمعے کے روز یمن کے حوثی باغیوں نے جدہ میں سعودی آئل ڈپو اور ریاض میں دیگر تنصیبات پر حملہ کیا، جس کے نتیجے میں دو اسٹوریج ٹینکوں میں آگ لگ گئی تاہم کوئی جانی نقصان نہیں ہوا۔
