پاک بحریہ کے فضائی دفاعی یونٹس نے بدھ کو زمین سے فضا میں مار کرنے والے میزائل کا کامیاب تجربہ کیا، ترجمان نے تصدیق کی۔
پاک بحریہ کے ترجمان کے مطابق تمام میزائلوں نے اپنے اہداف کو کامیابی سے نشانہ بنایا۔
پاک بحریہ کے سربراہ ایڈمرل امجد خان نیازی نے بھی میزائلوں کی ٹیسٹ فائرنگ کا مشاہدہ کیا اور پاک بحریہ کی آپریشنل تیاریوں پر اطمینان کا اظہار کیا۔
نیول چیف نے کہا کہ پاک بحریہ کسی بھی جارحیت کا منہ توڑ جواب دینے کی بھرپور صلاحیت رکھتی ہے۔
ترجمان نے کہا کہ میزائل کا کامیاب تجربہ پاک بحریہ کی آپریشنل صلاحیتوں اور جنگی تیاریوں کا مظہر ہے۔
اس سے قبل نومبر میں پاکستان نے زمین سے زمین پر مار کرنے والے بیلسٹک میزائل شاہین 1 اے کا فلائٹ ٹیسٹ کیا تھا۔
پاکستان نے آج زمین سے زمین پر مار کرنے والے بیلسٹک میزائل شاہین 1 اے کا کامیاب تجربہ کیا۔ انٹر سروسز پبلک ریلیشنز (آئی ایس پی آر) نے اپنے بیان میں کہا کہ آزمائشی پرواز کا مقصد ہتھیاروں کے نظام کے مخصوص ڈیزائن اور تکنیکی پیرامیٹرز کی دوبارہ تصدیق کرنا تھا۔
آئی ایس پی آر نے مزید کہا کہ ڈائریکٹر جنرل اسٹریٹجک پلانز ڈویژن لیفٹیننٹ جنرل ندیم ذکی منج، چیئرمین نیسکام ڈاکٹر رضا ثمر، کمانڈر آرمی اسٹریٹجک فورسز کمانڈ لیفٹیننٹ جنرل محمد علی، اسٹریٹجک اداروں کے سائنسدانوں اور انجینئرز نے بھی فلائٹ ٹیسٹ کا مشاہدہ کیا۔
