پاکستان نے بنگلہ دیش کودوسرے ٹیسٹ میچ میں ایک اننگ اور 8 رنز سے شکست دے دی : ٹی ٹونٹی کے بعد ٹیسٹ میں بھی کلین سویپ کرلیا

پاکستان نے بدھ کو ڈھاکہ میں کھیلے گئے دوسرے ٹیسٹ میچ میں بنگلہ دیش کو اننگز اور آٹھ رنز سے شکست دے کر سیریز میں 2-0 سے کلین سویپ کردیاآف اسپنر ساجد خان نے 86 رنز دیکر 4 کھلاڑی آؤٹ کیے اور میچ میں 12 وکٹیں حاصل کیں پاکستان نے نے پانچویں دن مقررہ کھیل ختم ہونے سے چند لمحات قبل دوسری اننگز میں بنگلہ دیش کو 205 رنز پر آؤٹ کر دیا۔

آف اسپنر ساجد خان نے صبح کے سیشن میں پہلی اننگز 8-42 کے ساتھ ختم کی جب پاکستان نے بنگلہ دیش کو 87 رنز پر آؤٹ کر دیا، جو کہ ہوم گراؤنڈ پر بنگلہ دیشی ٹیم کا اب تک کا سب سے کم سکور ہے۔میزبان ٹیم اپنے رات کے مجموعی مجموعے میں صرف مزید 11 رنز کا اضافہ کر سکی اور پہلی اننگز کے بعد پاکستان نے 213 رنز کی لیڈ حاصل کرلی ۔

ڈھاکہ میں بنگلہ دیش کے خلاف دوسرے ٹیسٹ کے آخری دن پاکستان کی فتح کی بنیاد میں حسن علی اور شاہین آفریدی نے اہم کردار ادا کیا دونوں نے دو دو وکٹیں حاصل کیں 25 رنز پر بنگلہ دیش کے 4 کھلاڑی آؤٹ ہوگئے تھے تاہم پھر لٹن داس اور مشفق الرحیم نے مزاحمت کی ۔میزبان ٹیم پانچویں دن لنچ تک 72-4 پر پہنچنے میں کامیاب ہوگئی کھانے کے وقفے تک لٹن داس 27 اور مشفق الرحیم 16 پر بیٹنگ کر رہے تھے – اس سے قبل حسن علی نے ڈیبیو کرنے والے محمود الحسن (چھ) اور کپتان مومن الحق (سات) کو آؤٹ کیا، جبکہ آفریدی نے شادمان اسلام (دو) اور نجم الحسین (چھ) کو پویلین کی راہ دکھائی ۔

ساجد، جنہوں نے منگل کو چھ وکٹیں حاصل کیں، صبح کے اپنے پہلے اوور میں تیج الاسلام کو صفر پر آؤٹ کیا اور پھر اگلے اوور میں آفریدی نے خالد احمد کو بغیر کسی کے بولڈ کر دیا۔

شکیب الحسن آؤٹ ہونے والے آخری کھلاڑی تھے انہوں نے 33 رنز بنا ئے وہ ساجد کی گیند پر اظہر علی کے ہاتھوں کیچ آؤٹ ہوئے- دوسری اننگ میں بنگلہ دیش نے آخری لمحے تک مقابلہ کیا تاہم میچ ختم ہونے سے چند اوور پہلے بنگلہ دیش کی ساری ٹیم آؤٹ ہوگئی- شکیب الحسن نے سب سے زیادہ رنز بنائے مگر پاکستانی ٹیم نے اپنا پورا زور لگایا اور یوں پاکستان نے یہ میچ ایک اننگ اور 8 رنز سے جیت لیا ساجد خان نے میچ میں 12 وکٹیں حاصل کیں – انہیں مین آف دی میچ کا ایوارڈ دیا گیا