پاکستان کے 36 ویں چئرمین کے آتے ہی کرکٹ فینز کے لیے اچھی خبریں آنا شروع ہوگئی ہیں کل ہیڈن اور فلینڈر کے کوچ بننے کی خبر آئی تو آج بنگلہ دیش کی ٹیم کے دورے کی خبر نے کرکٹ کے دیوانوں کو خوش کردیا
کرکٹ کے پرستاروں کے لیے ایک اور اچھی خبر یہ ہے کہ اب پاکستان کی کرکٹ ٹیم نومبر میں بنگلہ دیش کا دورہ کرے گی
پاکستان کی قومی کرکٹ ٹیم بنگلہ دیش کا دورہ کرے گی جس میں پاکستانی ٹیم 2 ٹیسٹ اور 3 ٹی ٹوینٹی میچ کھیلے گی ٹی ٹوئنٹی سیریز 19 نومبر سے ڈھاکہ کے شیر بنگلہ نیشنل کرکٹ اسٹیڈیم میں شروع ہوگی۔ دوسرا اور تیسرا ٹونٹی ، 20 اور 22 نومبر کو کھیلا جائے گا۔
اس کے بعد دونوں ٹیمیں 26-30 نومبر تک ظہور احمد چودھری اسٹیڈیم میں دو ٹیسٹوں میں سے پہلا میچ کھیلنے پہلے چٹگرام جائیں گی۔ یہ میچ بنگلہ دیش کی سرزمین پر مئی 2015 کے بعد پہلی بار وگا ، جب پاکستان نے آخری ٹیسٹ میں 328 رنز سے فتح حاصل کرکے دو میچوں کی سیریز جیت لی۔اس کے بعد دونوں ٹیمیں 4 دسمبر سے شروع ہونے والا آخری ٹیسٹ کھیلنے کے لیے ڈھاکہ واپس آئیں گی۔
آئی سی سی ورلڈ ٹیسٹ چیمپئن شپ پوائنٹس ٹیبل پر پاکستان 5 ویں پوزیشن جبکہ بنگلہ دیش 9ویں نمبر پر پے ۔
پاکستان کا بنگلہ دیش کے خلاف ٹیسٹ میں شاندار ریکارڈ ہے ، 11 میچوں میں 10 پاکستان نے جیتے ہیں۔ بنگلہ دیش کے خلاف ٹی ٹوئنٹی میںشاندار ریکارڈ بھی پاکیستان کے پاس ہے ، انہوں نے 12 میں سے 10 میچ جیتے۔
پی سی بی نے کہا کہ قومی ٹیم کی روانگی کی تاریخ کا اعلان بعد میں کیا جائے گا۔اس کے علاوہ اپریل میں ، پاکستان انڈر 19 ٹیم کا بنگلہ دیش کا دورہ ، ایک چار روزہ اور پانچ ون ڈے میچوں پر محیط تھا جو ، بنگلہ دیش میں کوویڈ 19 کے معاملات میں اضافے کی وجہ سے منسوخ کر دیا گیا تھا ۔