تقریبا 5 سال بعد10 پاکستانی ماہی گیر ہندوستانی جیل سے رہا ہونے کے بعد جمعہ کے روز وطن واپس پہنچ گئے
انہیں واہگہ بارڈر کے راستے پاکستانی حکام کے حوالے کیا گیا۔
پاکستان اور بھارت میں ماہی گیروں کی گرفتاری معمول بن گئی ہے دونوں جانب سے غریب ماہی گیر روزی کی تلاش میں نکلتے ہیں اور اپنے حدود کے باہر جانے کے باعث کئی کئی سال جیلوں میں گزارتے ہیں
رہا ہونے والے ماہی گیروں میں ابراہیم، علی اصغر، رستم علی، مجید، علی محمد ولد جودیہ، علی محمد ولد ابراہیم، علی حسن، محمد ثمر اور شوکت علی شامل ہیں۔
ماہی گیروں کا تعلق سندھ کے ضلع ٹھٹھہ سے ہے۔
ایدھی فاؤنڈیشن کے ترجمان نے بتایا کہ ماہی گیروں کو قانونی کارروائی مکمل کرنے کے بعد فاؤنڈیشن کے حوالے کر دیا گیا
انہوں نے مزید کہا کہ انہیں ایدھی فاؤنڈیشن کی خصوصی گاڑی میں ٹھٹھہ بھیجا جائے گا۔ بھارت نے ان ماہی گیروں کو پانچ سال قبل سمندری حدود کی خلاف ورزی پر حراست میں لیا تھا۔
