پارلیمنٹ ہاؤس میں جانوروں کی آمد جاری ہے، چند روز قبل ایک جنگلی بلی نے پارلیمنٹ میں گھس کر توڑ پھوڑ کی تھی اور اب چھت پر بندر آزادانہ گھومتا رہا تاہم اسے کسی نے روکا نہیں حتی کہ سکیورٹی بھی پکڑنے میں ناکام نظر آئی ۔
ایک نجی ٹی وی نے بندر کی ویڈیو شئیر کرتے ہوئے کہا کہ بندر کو نہ جانے کیا سوجھی کہ بارش کا موسم انجوائے کرنے پارلیمنٹ ہاؤس پہنچ گیا اور چھت پر چہل قدمی کرتے ہوئے نہ جانے کیا سوچتا رہا۔ یہ بندرِ پولیس کو چکمہ دے کر پارلیمنٹ ہاؤس کی چھت تک کیسے پہنچے کسی کو معلوم نہیں۔ سی ڈی اے عملہ اور پارلیمنٹ ہاؤس کی سکیورٹی بندر کو پکڑنے میں ناکام نظر آئی۔ مگر اب اس پر سوشل میڈیا پر ایک مرتبہ عجیب و غریب ریمارکس کا سلسلہ جاری ہے اور تحریک انصاف کے صارف ایک بار پھر حکومت کی ٹرولنگ میں بڑھ چڑھ کر اپنا حصہ ڈال رہے ہیں –