امریکا اور ویسٹ انڈیز میں یکم سے 29 جون تک ٹی تونتی کا میلہ سجنے والا ہے -اس ٹورنامنٹ میں حصہ لینے والے بہت سے ممالک نے اپنی ٹیم اور سکواڈ کا اعلان کردیا ہے مگر پاکستان نے ابھی تک اپنے پتے شو نہیں کیے تاہم میڈیا نے معلوم کرلیا ہے کہ کون سے کھلاڑی اس مرتبہ ورلڈ کپ میں شرکت کررہے ہیں – ٹی 20 کے لیے پاکستان کرکٹ ٹیم کے 15 کھلاڑیوں کے حوالے سے مشاورت مکمل ہو چکی ہے۔پاکستانی سکواڈ میں 5 فاسٹ بولرز، 4 آل راؤنڈرز، 3 وکٹ کیپرز، 2 بیٹرز اور ایک سپنر شامل ہوگا۔ذرائع کا کہنا ہے کہ شاداب خان، صائم ایوب اور عثمان بھی ٹیم میں شامل ہوں گے۔ حارث رؤف مکمل فٹ ہیں اس لئے وہ بھی ورلڈ کپ کے سکواڈ میں شامل ہوں گے۔
میڈیا رپورٹس کے مطابق بابر اعظم (کپتان)، فخر زمان، محمد رضوان، عثمان خان، اعظم خان، عماد وسیم، شاداب خان، صائم ایوب اور افتخار احمد ،ابرار احمد، شاہین شاہ آفریدی، محمد عامر، نسیم شاہ، عباس آفریدی بھی پاکستانی سکواڈ میں ہوں گے جب کہ ریزروز میں سلمان علی آغا، حسن علی اور عرفان نیازی ہوں گے۔
