ٹوکیو ائیر پورٹ کے رن وے پر ایک مسافر جہاز دوسرے جہاز سے ٹکراگیا حادثے کے سبب ٹوکیو ائیرپورٹ بند

دو مسافر طیاروں کے رن وے پر ٹکرانے کے بعد ٹوکیو ائیرپورٹ بند کردیا گیا۔غیرملکی میڈیا کے مطابق ٹوکیو ائیرپورٹ کے ایک رن وے پر اڑان کے لیے تیار ایک طیارے کے پر سے دوسرا طیارہ ٹکرا گیا۔ طیارہ ٹکرانے کے بعد زمین پر ملبہ بھی دیکھا گیا۔�تاہم خوش قسمتی سے کوئی شخص جاں بحق نہیں ہوا اور جہاز کو بھی جزوی نقصان پہنچا – جہاز کی رفتار کم ہونے کے سبب زیادہ نقصان نہیں ہوا –
 

ایکسپریس نیوز کے مطابق حکام کا کہنا ہے کہ طیارے میں موجود مسافروں کو ٹکراؤ کے باعث جھٹکے لگے تاہم کوئی زخمی نہیں ہوا۔ طیارے ٹکرانے کے بعد ائیرپورٹ کو پروازوں کے لیے بند کردیا گیا۔کسی بھی ہنگامی صورتحال سے نمٹنے کے لیے رن وے پر فائر بریگیڈ اور ہنگامی سروس کی گاڑیاں پہنچ گئیں۔مسافروں کو طیاروں سے نکال کر لاؤنچ میں پہنچا دیا گیا۔ یہ واقعہ کس کی غفلت کی وجہ سے ہوا اس پر تحقیقات جاری ہیں۔