ویسٹ انڈیز ویمن کرکٹ ٹیم کا دورہ پاکستان ؛3 ون ڈے ،5 ٹی ٹونٹی

ویسٹ انڈیز کی ویمن کرکٹ ٹیم 3 ون ڈے اور 5 ٹی ٹونٹی میچز کی سیریز کھیلنے کے لیے پاکستان کے دورے پر آرہی ہے – ویسٹ انڈیز ویمنز کرکٹ ٹیم 14 اپریل کو کراچی پہنچے گی -ویسٹ انڈیز ویمن کرکٹ سیریز کے لیے 20 ممکنہ کھلاڑیوں کے ناموں کا اعلان کردیا گیا۔

ویسٹ انڈیز کے خلاف سیریز کے لئے جن ممکنہ کھلاڑیوں کا اعلان کیا گیا ہے ان میں عالیہ ریاض، عائشہ ظفر، بسمہ معروف، ڈیانا بیگ، ، نشرہ سندھو، نتالیہ پرویز، ندا ڈار، رامین شمیم، صدف شمس ، سعدیہ اقبال، سدرہ امین، سدرہ نواز، طوبیٰ حسن ، ام ہانی، فاطمہ ثنا، غلام فاطمہ، گل فیروزہ ، منیبہ علی، ناجیہ علوی اور وحیدہ اختر شامل ہیں۔ ممکنہ کھلاڑی 2 اپریل سے کراچی میں تربیتی کیمپ میں حصہ لیں گی ۔ سیریز کے 3 ون ڈے آئی سی سی ویمینز چیمپئین شپ کا حصہ ہیں۔