بھارتی کرکٹ ٹیم کے سابق کپتان اور مایہ ناز بلے باز ویرات کوہلی نے پہلی مرتبہ اپنی ریٹائرمنٹ سے متعلق �کروڑوں بھارتیوں کو پریشان کردیا – 16 سال تک کرکٹ پر راج کرنے والے ویرات کوہلی کی بات سے ایسا لگ رہا ہے کہ 2024 ان کے کرکٹ کیرئیر کا آخری سال ہے ،وہ اب اپنا پورا وقت اپنے بیٹے ،بیٹی اور انوشکا کے ساتھ گزارنا چاہتے ہینں اور وہ اپنے پیک پر کرکٹ کو خیر باد کہنے کے موڈ میں لگتے ہیں کیونکہ ایسے فیصلے کرنے والے کھلاڑی ہمیشہ کے لیے امر ہوجاتے ہیں –
بھارتی میڈیا کے مطابق ویرات کوہلی نے کہا کہ کرکٹ کے بعد ایک طویل بریک لوں گا پھر کوئی کام شروع کروں گا ۔سال 2008 میں بھارتی کرکٹ ٹیم میں ڈیبیو کرنے والے ویرات کوہلی کا کہنا تھا کہ کرکٹ سے کنارہ کشی کے بعد وہ اپنی فیملی کے ساتھ وقت گزارنے کا ارادہ رکھتے ہیں۔
دائیں ہاتھ سے بلے بازی کرنے والے کوہلی نے کہا کہ بطور کھلاڑی ہمارے پاس کیرئیر کا اختتامی وقت ہوتا ہے، اسے لیے میں پیچھے رہ کر کام کر رہا ہوں۔ان کا کہنا تھا کہ ایک بار جب میرا کام مکمل ہوجائے گا، میں چلا جاؤں گا، آپ مجھے کچھ دیر کے لیے نہیں دیکھ سکیں گے۔ اس لیے میں اسے اپنے کھیلنے کے وقت تک سب کچھ دینا چاہوں گا، اور یہی وہ چیز ہے جو مجھے آگے بڑھنے میں مدد دیتی ہےسابق بھارتی کپتان نے سال 2024 کے بعد کرکٹ چھوڑنے کا اشارہ دیا ہے۔ویرات کوہلی کے اس بیان کے بعد ان کے چاہنے والے شائقین کرکٹ میں تشویش کی لہر دوڑ گئی۔
