اسلام آباد: وفاقی وزیر ریلوے محمد اعظم خان سواتی نے کرسمس کی تقریبات کے سلسلے میں ’’کرسمس پیس پرے ٹرین‘‘ کا افتتاح کردیا۔
وفاقی وزیر نے لاہور میں ایک تقریب کے دوران کرسمس کا کیک بھی کاٹا اور مسیحی برادری کو مبارکباد دی۔
میڈیا سے گفتگو کرتے ہوئے انہوں نے کہا کہ تقریب کے انعقاد کا مقصد مسیحی برادری کی خوشیاں بانٹنا، بین المذاہب ہم آہنگی کو فروغ دینا اور امن و استحکام کے لیے مشترکہ طور پر کام کرنے کا پیغام دینا ہے۔
اعظم سواتی نے کہا کہ پاکستان میں بسنے والی اقلیتوں کو مساوی حقوق اور آزادی حاصل ہے۔
انہوں نے کہا کہ کرسمس ٹرین لاہور سے کراچی تک علامہ اقبال ایکسپریس کے ساتھ دو اضافی بوگیوں کے ساتھ امن اور خوشی کا پیغام لے کر سفر کرے گی۔
وزیراعظم عمران خان، گورنر پنجاب محمد سرور اور تمام وزراء کی جانب سے مسیحی برادری کو کرسمس کی مبارکباد۔
17 دسمبر کو وفاقی وزیر داخلہ شیخ رشید احمد نے کہا تھا کہ اس سال کرسمس اسلام آباد میں منایا جائے گا۔ انہوں نے کہا کہ اسلامی تعاون تنظیم کے اجلاس کے لیے ترتیب دی گئی روشنیاں کرسمس تک دارالحکومت کی سڑکوں کو روشن کرتی رہیں گی۔
ایک روز قبل وفاقی وزیر برائے مذہبی امور و بین المذاہب ہم آہنگی پیر نور الحق قادری نے لاہور کے سینٹ انٹونی چرچ میں کرسمس کا کیک کاٹا تھا۔