سابق پاکستانی کرکٹر جاوید میانداد نے مین ان گرین کے لیے ایک تجویز پیش کی ہے جب وہ آئی سی سی مینز ٹی 20 ورلڈ کپ کے اپنے پہلے میچ میں بھارت کے خلاف آمنے سامنے ہوں گے۔
جیو نیوز کے مطابق میانداد نے کہا کہ ٹیم کے ہر کھلاڑی کو پاکستان کے بھارت کے خلاف میچ کے دوران اپنا کردار ادا کرنا ہو گا کیونکہ مین ان گرین نے کبھی ورلڈ کپ ٹی ٹونٹی اور ون ڈے میں مین ان بلیو کے خلاف میچ نہیں جیتا۔ تاہم چیمپینز ٹرافی کے فائنل میں پاکستان نے ان کو زیر کیا تھا
سابق کرکٹر ،کپتان اور کوچ نے کہا ، “یہ ضروری نہیں ہے کہ جو کھلاڑی عام طور پر اچھی کارکردگی کا مظاہرہ کرتے ہیں وہ ہی میچ کے دوران ایسا کریں۔بلکہ ہر ایک کھلاڑی کو پرفارم کرنا ہوگا میچ وہی ٹیم جیتتی ہے جس کی پوری ٹیم کاکردگی دکھائے
میانداد نے نوٹ کیا کہ مستقل مزاجی بھارت کو شکست دینے کے لیے شرط اول ہے ، میانداد نے پاکستان کرکٹ بورڈ (پی سی بی) کے چیئرمین رمیز راجہ سے کہا کہ وہ کرکٹ اور میچ جیتنے پر توجہ دیں۔
مینز کرکٹ ٹی 20 ورلڈ کپ – جو کہ آئی سی سی وبائی امراض کے بعد سے منعقد ہونے والا پہلا میگا ایونٹ ہے – 17 اکتوبر سے 14 نومبر کے درمیان متحدہ عرب امارات اور عمان میں شیڈول ہے۔
پاکستان ویسٹ انڈیز اور جنوبی افریقہ کے خلاف وارم اپ میچ کھیلے گا پاکستان اپنے ٹورنامنٹ کا آغاز 24 اکتوبر کو دبئی میں پرانے روایتی حریف بھارت کے ساتھ کرے گا۔
