ورلڈ کپ میں ناقص کارکردگی اورافغانستان کے ہاتھوں شکست پرعماد وسیم بھی بول پڑے

گزشتہ ورلڈ کپ میں افغانستان کو اپنی ناقابل شکست اننگ کی بدولت پاکستان کو فتح دلوانے والے عماد وسیم بھی افغانستان کی جیت پر خاموش نہ رہ سکے اور انھوں نے کھل کر پاکستانی ٹیم کی ورلڈ کپ میں کارکردگی پر بات کی -نجی ٹی وی پر گفتگو کرتے ہوئے عماد وسیم نے کہا کہ افغانستان کی ٹیم 96 نےاوورز تک پاکستان جیسی مضبوط ٹیم کے خلاف اپنی برتری ثابت کی ہے، آج پاکستان نے بیٹنگ میں 70 رنز کم اسکور کیے۔انہوں نے کہا کہ بیٹنگ ٹریک پر 280 رنز کرنا یہ بیٹرز کی ناکامی ہے، چینائی کے اس سٹیڈیم میں پر سکور 320 اور 310 تھا لیکن ہم صرف 280 رنز بناسکے کیوں، انھوں نے پاکستان کی سلو بیٹنگ پر بات کرتے ہوئے کہا کہ شروع ہی سے ہماری کوشش میچ جیتنے یا فائٹ کرنے کی نہیں تھی۔عماد وسیم نے کہا کہ سری لنکا کے خلاف میچ میں پاکستان نے رضوان اور عبداللہ شفیق کے ساتھ ہماری ٹیم کی ناقص باؤ لنگ نے میچ ہروایا ، آپ مجھے بتائیں دیگر 4 میچز میں پاکستان نے کس میچ 350 یا 400 رنز کو ذہن میں رکھ کر بیٹنگ کی ہو۔

 

پاکستان کا 283 رنز کا ہدف افغانستان نے 49 اوورز میں 2 وکٹوں کے نقصان پر بنالیا۔ پاکستان کرکٹ ٹیم کی یہ ٹورنامنٹ میں مسلسل تیسری شکست ہے جبکہ افغانستان ون ڈے انٹرنیشنل اور ورلڈ کپ میں پہلی بار پاکستان کو ہرانے میں کامیاب ہوسکا ہے۔پاکستانی عوام بابر اعظم سے اپیل کررہی تھی کہ عماد کو ساتھ لے کر جائیں مگر انھوں نے کسی کی بات کو اہمیت نہیں دی اور آج ان کی کپتانی اور ٹیم کی کارکردگی پر انہیں ٹرول کیا جارہا ہے – مسلسل تین میچز میں بدترین ہار کے بعد ایسا لگتا ہے کہ پاکستان سیمی فائنل کی دوڑ سے باہر ہوگیا ہے –