آسٹریلیا کے ہاتھوں ورلڈ ٹیسٹ چیمپئن شپ کے فائنل میچ میں دردناک شکست کے بعد بھارتی کپتان روہت شرما کو ویسٹ انڈیز کے خلاف سیریز میں آرام دینے کا فیصلہ کر لیا گیاہے ۔ روہت شرما کی جگہ اجنکیا رہانے قائم مقام کپتان ہوں گے۔فائنل میچ میں کارکردگی نہ دکھانے پر ان پر بھارتی میڈیا میں سخت تنقید بھی جاری ہے –
روہیت شرما 5 دن کا کھلاڑی نہیں#GTVNews #rohitsharma #qamarrazaiffi @Ali_Anchor @Rizzvi73 pic.twitter.com/UcLm7yzwLK
— GTV News HD (@GTVNewsPk) June 12, 2023
تفصیلات کے مطابق بھارتی ٹیم کے دورہ ویسٹ انڈیز کا آغاز 12 جولائی سے ہو گا ، اس دورے میں بھارت اور ویسٹ انڈیز کے درمیان 2 ٹیسٹ، 3 ون ڈے اور 5 ٹی ٹوئنٹی میچز کھیلے جائیں گے۔ویسٹ انڈیز اور بھارت کے درمیان کھیلے جانے والے دو ٹیسٹ میچز آئی سی سی ٹیسٹ چیمپئن شپ کا حصہ ہیں۔
ٹیسٹ چیمپئن شپ کے فائنل میں بری پرفارمنس پر بھارتی کرکٹ ٹیم کے سابق ہیڈ کوچ روی شاستری روہیت شرما الیون پر برس پڑے۔
تفصیلات جانیے: https://t.co/30D8vzW8gq#RaviShastri #IndianCricketTeam #RohitSharma𓃵 #IndiavsAustralia #TestCricket #DailyJang pic.twitter.com/bRC4YvCybU— Daily Jang (@jang_akhbar) June 10, 2023
بھارتی میڈیا کا کہنا ہے کہ سلیکٹرز روہت شرما سے ملاقات کر کے فیصلے سے آگاہ کریں گے دوسری جانب سابق کپتان ویرات کوہلی بھی دورے سے دستبردار ہو سکتے ہیں اس کے علاوہ چتیش ور پجارا کی بھی ٹیم میں شرکت غیر یقینی ہے۔ بھارتی کپتان روہت شرما کی حالیہ فارم بھی اچھی نہیں ورلڈ ٹیسٹ چیمپئن شپ کے فائنل میں روہت شرما نے پہلی اننگ میں 13 اور دوسری اننگ میں 43 رنز بنائے تھے۔ورلڈ ٹیسٹ چیمپئن شپ کے فائنل میں بھارت کو 209 رنز سے شکست ہوئی تھی -روہیت شرما کی قیادت میں ان کی ٹیم کو دوسری بار فائنل میں شکست کا سامنا کرنا پڑا تھا اور 8 ملین ڈالر کی رقم بھی ہاتھ سے نکل گئی تھی ،روہت شرما پر ورلڈنمبر ون سپنر روی چندرن ایشون کو نہ کھلانے اور ٹاس جیت کر پہلے بیٹنگ نہ کرنے کے فیصلے پر تنقید کی گئی تھی۔
