چین کے 10 سنوکر پلئیرز پر میچ فکسنگ ثابت ہونے کے بعد ورلڈ پروفیشنل بلیئرڈز اینڈ سنوکرایسوسی ایشن کی جانب سے سزا کا عمل شروع ہوگیا -اور ادارے کی جانب سے میچ فکسنگ کے الزام میں 10 کھلاڑیوں کو سزائیں دی گئیں ۔ ڈبلیو پی بی ایس اے نے گزشتہ روز ایک جاری بیان میں اس بات کی تصدیق کی کہ 10 کھلاڑیوں پر میچ فکسنگ کے الزامات عائد کیے گئے ہیں جن پر کچھ عرصہ کے لیے پابندی عائید کی گئی ہے جبکہ چین کے 2کھلاڑی لیانگ وینبو اور لی ہانگ پر جرم کی سمگینی کے سبب تاحیات پابندی عائد کی گئی ہے-ان پر الزام تھا کہ انھوں نے اپنے ساتھیوں کو یہ جرم کرنے پر اکسایا اور پھر اپنے ساتھ ملالیا –
10 چینی سنوکر پلیئرز پر میچ فکسنگ کا الزام #matchfixing #Chinesesnookerplayers #china #snooker https://t.co/IGqKvsOOam pic.twitter.com/Afga57XlAc
— Dunya News (@DunyaNews) January 18, 2023
لیانگ اور لی پر تاحیات پابندی کا اعلان جبکہ دیگر ملوث کھلاڑیوں کومعطلی کی سزا دی گئی ہے۔ گزشتہ اکتوبر سے سنوکر مقابلوں کے لئے معطلی کا سامنا کرنے والے36 سالہ لیانگ، 5 سنوکر میچوں میں ہیرا پھیری یا اس میں حصہ لینے، دوسرے کھلاڑیوں کو 9میچز فکس کرنے کے لیے قائل کرنے یا اس کے قابل بنانے کی کوشش کرنے کا مجرم پایا گیا۔ اور اس نے سنوکر میچوں پر شرط لگائی اور وہ ڈبلیو پی بی ایس اے کی تحقیقات میں تعاون کرنے میں ناکام رہا۔ 32 سالہ لی پر میچ فکسنگ اور دوسرے کھلاڑیوں کو میچ کے نتائج میں ہیرا پھیری کے لیے اکسانے یا سہولت فراہم کرنے کا الزام تھا۔سنوکر کی تاریخ میں یہ پہلی بار ہوا ہے کہ ایک ہی ملک سے تعلق رکھنے والے اتنے زیادہ کھلاڑی میچ فکسنگ میں ملوث پائے گئے اور ان پر ایسی پابندی لگی –
