انسان کی زندگی میں نیند کی اتنی ہی اہمیت ہے جتنی روٹی کی۔ انسان بھوکا سو بھی نہیں سکتا اور لگاتار سوئے بغیر ٹھیک سے کھا پی بھی نہیں سکتا۔
دونوں چیزیں لازم و ملزوم ہیں۔
آج تک سائنسدان اس بات پر تحقیق کر رہے ہیں کہ آخر اس کی کیا وجہ ہے نیند اتنی ضروری ہے۔
اسی تجسس نے انسان کو آج ایک نئی تحقیق سے روشناس کروا دیا ہے۔
اوہائیو اسٹیٹ یونیورسٹی میں نیند کے حوالے سے ایک تحقیق سامنے آئی ہے جس میں ماہرین نے نیند کا دورانیہ کم ہونے کے نقصانات تلاش کر لیے ہیں۔
تازہ تحقیق کے مطابق مناسب نیند یا نیند کی کمی کے شکار افراد نمکین اور میٹھے اسنیکس اور مشروبات کے استعمال کو پسند کرتے ہیں مگر کم سونے والے افراد دن بھر میں عام طور پہ سادہ غذائی اشیا سے بھی ضرورت سے زیادہ کیلوریز کو بدن کا حصّہ بنالیتے ہیں۔
تحقیق کہتی ہے کہ اکثر افراد رات کو مشروبات اور غذاؤں کا استعمال کرتے ہیں، یعنی رات گئے تک جاگتے رہتے ہیں اور موٹاپے کا باعث بننے والے رویوں کو بھی اپنا لیتے ہیں، جیسے جسمانی طور پر کم متحرک رہنا، اسکرین کے سامنے زیادہ وقت گزارنا، ہلکی پھلکی اشیا کو کھانا پینا وغیرہ۔
طبی ماہرین لوگوں کو رات میں سات گھنٹے یا اس سے زیادہ وقت سونے کی تجویز دیتے ہیں تاکہ اچھی صحت کو یقینی بنایا جاسکے۔
وزن میں اضافے کی وجہ بھی نیند کی بے ترتیبی ہے کیونکہ بے وقت سونے کی وجہ سے بھوک کے ہارمونز بنتے ہیں، جس کی وجہ سے وزن بڑھتا ہے۔
انسان کے اندر خاموش بیماریاں جنم لیتی ہیں جو موٹاپے کی صورت میں سامنے آتی ہیں۔
اس کے مقابلے میں نیند کی کمی انسان کے اندر خاموش بیماریاں جنم دیتی ہے۔
جس میں جسمانی وزن میں اضافہ، موٹاپا، ذیابیطس، ہائی بلڈ پریشر اور امراض قلب کا خطرہ شامل ہے۔
اس تحقیق کے نتائج طبی جریدے جرنل آف دی اکیڈمی آف نیوٹریشن میں شائع کیے گئے ہیں۔