امریکی ریاست نیو جرسی میں ایک 31 سالہ شخص نو منزلہ عمارت کی کھڑکی سے گر کر معجزانہ طور پر زندہ بچ گیا۔
امریکی ذرائع ابلاغ کے مطابق جرسی سٹی کی ترجمان کمبرلی والیس سکالسیون کے حوالے سے بتایا گیا ہے کہ 26 جرنل سکوائر پر پیش آنے والے واقعے میں نا معلوم شخص نو منزلہ عمارت کی کھڑکی سے نیچے کھڑی بی ایم ڈبلیو کے ماڈل 330 آئی کی چھت پر گرا اور معجزانہ طور پر بچ گیا۔
انہوں نے بتایا کہ اتنی انچائی سے گرنے سے گاڑی کی کھڑکیاں دھماکے سے پھٹ گئیں، اور وہ شخص زور سے چیخنے لگا۔
انہوں نے مزید بتایا کہ پولیس نے اس واقعے کے فوری بعد ہائی رائز عمارت کے آس پاس کا علاقہ مختصر طور پر سیل کر دیا، واقعے کی تحقیقات جاری ہیں۔