عمران خان آج ایک مرتبہ پھر فل فارم میں نظر آئے اور انھوں نے دل کھول کر نون لیگ کو آڑے ہاتھوں لیا -انھوں نے اپنی جماعت پر ہونے والے غیر انسانی سلوک پر بھی اداروں کو ہدف تنقید بنایا -انھوں نے ایک دلچسپ بات بھی کی بانی تحریک انصاف عمران خان نے کہا کہ نوازشریف کا الیکشن تک نام ای سی ایل میں ڈالا جائے، کیونکہ وہ ہار گیا تو دوبارہ لندن بھاگ جائے گا۔
ایک نجی ٹی وی کی خبر کے مطابق سابق وزیراعظم عمران خان کا کہنا تھا کہ پی ٹی آئی کے لوگوں کو اٹھا کر ان کا سافٹ ویئر اپ ڈیٹ کر دیا جاتا ہے، ویگو ڈالہ آتا ہے اور بندے کو اٹھا لیا جاتا ہے، پھر پتہ چلتا ہے اس کا سافٹ ویئر اپ ڈیٹ ہو گیا۔ تحریک انصاف کا انتخابی نشان چھین لیا گیا اور گندے گندے سے نشانات الاٹ کئے گئے، پارٹی کی تمام قیادت کو اڑا دیا۔
عمران خان نے سوال اٹھایا کہ مریم نواز کے فلیٹس کو کیوں نہیں پوچھا جاتا، نوازشریف اور آصف زرداری نے توشہ خانہ سے گاڑیاں لیں ان سے کوئی سوال نہیں کیا جا رہا۔ ہمارے امیدوار انتخابی مہم کیلئے بھی نکلیں تو ایف آئی آر کاٹ دی جاتی ہے، ان کی تمام توجہ تحریک انصاف کے خاتمے پر لگی ہے۔ سپریم کورٹ کو انسانی حقوق کی خلاف ورزیوں کو دیکھنا چاہئے۔
سابق وزیراعظم نے کہا کہ پلان ‘سی’ نہیں بتا سکتے، ورنہ ویگو ڈالہ پہنچ جائے گا۔ مجھے ویل چیئر پر بائیو میٹرک کرواتے ہوئے گرفتار کیا گیا مگر نوازشریف کی بائیو میٹرک ائیرپورٹ پر کی گئی۔
عثمان ڈار کی والدہ ریحانہ ڈار کو الیکشن لڑنے کی اجازت مل گئی
عمران خان کا مزید کہنا تھا کہ قوم کو فیصلہ کرنا ہے کہ غلام بننا ہے یا آزاد، ہماری جنگ آزادی کی جنگ ہے، کیا ہم نے طاقتور کا غلام ہی رہنا ہے؟ جب تک زندہ رہوں گا، غلامی کے خلاف لڑتا رہوں گا۔