پاکستان کی خواتین کرکٹر بھی اپنی شاندار پرفارمنس کے سبب دلوں پر راج کرنے لگیں -ان ہی میں سے ایک ندا ڈار بھی ہیں جو اپنے گھومتی گیندون سے دنیا بھر کی خواتین کھلاڑیون کو پویلین کی راہ دکھارہی ہیں -انگلینڈ ویمن کرکٹ ٹیم کے خلاف سیریز کے دوسرے میچ میں پاکستانی قومی ویمن کرکٹ ٹیم کی کپتان ندا ڈار نے بین الاقوامی ٹی ٹوئنٹی کرکٹ کا ایک اہم اعزاز اپنے نام کرلیا ہے۔
نارتھمپٹن میں کھیلے گئے میچ میں پاکستان کی کپتان ندا ڈار ویمنز ٹی ٹوئنٹی انٹرنیشنل میں سب سے زیادہ 137 وکٹیں حاصل کرنے والی بولر بن گئیں۔ اس سے پہلے یہ ریکارڈ آسٹریلیا کی میگن شوٹ کے پاس تھا جنھوں نے 136 کھلاڑیوں کو آؤٹ کیا تھا –