نازیبا لباس پہن کر ریسٹورنٹ جانا عرفی جاوید کو مہنگا پڑگیا؛ گرفتار ہوگئیں

اپنی بے حیائی اور فحاشی کی وجہ سے شہرت پانے والی عرفی جاوید اپنی ان ہی شرمناک حرکات کے سبب مشکل میں پھنس گئیں -وہ تمام حدیں پھلانگتی ہوئی نازیبا اور مختصر لباس پہن کر ایک ریسٹورنٹ چلی گئیں – لیکن یہی بے باک انداز اب ان کے پولیس اسٹیشن جانے کی وجہ بن گیا۔بھارتی میڈیا کے مطابق 3 نومبر کی صبح عرفی جاوید ممبئی میں نامناسب کپڑے پہنے ایک ریسٹورنٹ میں موجود تھیں کہ پولیس اہل کاروں کے سوالات پر وہ ان سے الجھ پڑیں جس کے بعد اداکارہ کو پولیس نے گرفتارکرلیا۔عرفی جاوید کی گرفتاری کی ویڈیو بھی سوشل میڈیا پر وائرل ہورہی ہے، جس میں بھارت کی خواتین پولیس اہلکاروں کو عرفی کو زبردستی ریسٹورنٹ سے لے جاتے دیکھا جاسکتا ہے۔
ریسٹورنٹ کے باہر خاتون پولیس نے عرفی سے سوال کیا کہ ‘ اتنا چھوٹے کپڑے پہن کر کون گھومتا ہے؟’، جس پر عرفی نے کہا کہ میری مرضی میں جو چاہوں پہنوں جہاں چاہوں گھوموں ، اداکارہ نے مزید سوال کرتے ہوئے کہا کہ آپ کس کے کہنے پر مجھے گرفتار کرنے آئی ہیں میں نہیں جا ؤں گی جس کے بعد خاتون پولیس نے انہیں زبردستی پکڑ کر گاڑی میں بٹھا دیا۔
عرفی جاوید کی گرفتاری کی ویڈیو پر سوشل میڈیا صارفین کی جانب سے مختلف تبصرے کیے جارہے ہیں کوئی اسے نیا ڈرامہ قرار دے رہا ہے تو کوئی اسے عرفی کی جانب سے کیے جانے والا مذاق سمجھ رہا ہے کیونکہ مزید خبروں میں آنے اور زیادہ ویوز لینے کے لیے شوبز کے کھلاڑی اس طرح کے ایڈوینچر کرتے رہتے ہیں -۔واضح رہے کہ رواں سال کے شروع میں سیاسی جماعت بی جے پی رہنما چترا واگھ نے عرفی جاوید کی ان ہی حرکتوں کے خلاف پولیس میں شکایت درج کرواتے ہوئے ان کی گرفتاری کا مطالبہ کیا تھا۔اس وقت تو اس پر عمل درآمد نہ ہوسکا تھا مگر آج وہ اپنی حماقت کی بنا پر پولیس کے ہاتھ لگ گئیں –