پاکستان میں اس وقت الیکشن کا موسم چل رہا ہے -پہلے عام انتخابات ہوئے آج کل سینیٹ کے انتخابات جاری ہیں اور عنقریب صدر اور چئیرمین سینیٹ کے انتخابات بھی ہوں گے -آج سینیٹ کے آخری روز سینیٹ سے رخصت ہوجانے والے رہنماؤں نے خطاب کیا جن میں اسحاق ڈار بھی شامل تھے وہ آج کھل کر بولے کیونکہ ان کو اس بار محکمہ خزانہ کا قلمدان ملنا مشکل نظر آتا ہے اس کی وجہ بھی انھوں نے دبے لفظوں میں بیان کردی –
سابق وزیر خزانہ اور سینیٹر اسحاق ڈار نے کہاہے کہ مشاہد حسین جانتے ہیں ہم نے کیسے ایف سولہ کے پیسے واپس لیے تھے، میں آنکھوں میں آنکھیں ڈال کر بات کرنے کا عادی ہوں ۔
اسحاق ڈار نے سینیٹ میں سینیٹ سے الوداعی تقریر کرتے ہوئے کہا کہ ہمارے قائد نوازشریف کہہ چکے ہیں کہ تمام سیاسی جماعتوں کو مل کر کام کرنا ہوگا، سینیٹ میں مسلسل احتجاج کی روایت سے دنیا میں اچھا تاثر نہیں جاتا،انھوں نے اس بات پر اطمنان کا اظہار کیا کہ سینیٹ کی کمیٹیوں نے بھی بہترین کارکردگی کا مظاہرہ کیا ، سینیٹ سیکرٹریٹ 11 مارچ کے بعد سے سینیٹ انتخابات تک غیر فعال ہو جائے گا، معاشی استحکام کیلئے چارٹر آف اکنامی کیا جائے ، چارٹر آف ڈیموکریسی اور چارٹر آف اکنامی وقت کی ضرورت ہے ، معاملات افہام و تفہیم سے آگے چلتے ہیں، انھوں نے اس بات کا بھی اظہار کیا سیاست میں ہماری ذاتی دشمنیاں نہیں ہونی چاہئیں ، اس ایوان کا تھوڑا خیال رکھنا چاہیے ، 2013 میں ملک دیوالیہ ہونے جارہاتھا، اس کے بعد ن لیگ کی حکومت آئی، ملک کی جی ڈی پی بڑھی مہنگائی کم ہوئی، پھر ملک کو کس کی نظر لگ گئی، کس کی سازش تھی، پیشگوئی تھی کہ ملک جی 20 میں جارہاہے ، ہمیں دنیا کی 24 ویں بڑی معیشت ڈکلیئر کیا گیا تھا، 2014 میں دھرنے کے خلاف ساری جماعتیں متحد ہوئیں، وہ جمہوریت کی کامیابی تھی ، اس ملک میں پاناما کا ڈراما رچایا گیا، اس سازش کو پراجیکٹ 2011 کہتاہوں، ملک کو اکیلے کوئی جماعت طاقتور نہیں بنا سکتی، ہم سب کو مل کرکام کرنا ہوگا،، تین سال میں ن لیگ کی حکومت نے چوبیسویں معاشی طاقت بنایا، مشاہد حسین جانتے ہیں ہم نے کیسے ایف سولہ کے پیسے واپس لیئے تھے ، میں آنکھوں میں آنکھیں ڈال کر بات کرنے کا عادی ہوں ، جب ملک معاشی ترقی کرنے لگتا ہے معلوم نہیں کیوں کوئی ٹانگ کھینچ لیتا ہے ، یاد رہے کہ مفتاح اسماعیل کو ہتا کر نون لیگ نے اسحاق ڈار کو وزیرخزانہ لگا یا تھا مگر وہ بھی معیشت میں بہتری نہ لاسکے تھے اور پاکستان میں مہنگائی نے غریب کا جینا دوبھر کردیا تھا جس کی وجہ سے اسحاق ڈار کو سخت تنقید کا نشانہ بنایا گیا تھا جس میں مفتاح اسماعیل بھی شامل تھے –
