پی ٹی آئی کے ناراض رہنما علیم خان نے مسلم لیگ (ن) کے سربراہ نواز شریف سے بات چیت کے بعد عمران خان سے راہیں جدا کرنے کا فیصلہ کرلیا – حکومتی مندوبین نے علیم خان کو وزیر اعظم عمران خان سے ملنے اورناراضی چھوڑ کر آگے بڑھنے پر راضی کرنے کی کوشش کی۔ انہوں نے اسے یہ بھی بتایا کہ وہ وزیراعظم کو اعتماد میں لینے کے بعد ان سے ملاقات کر رہے ہیں۔
سابق وزیر نے انہیں واضح طور پر بتایا کہ وہ نوازشریف کی پارٹی میں جانے کا فیصلہ کرچکے ہیں اس لیے وہ اب وزیر اعظم سے ملنے میں دلچسپی نہیں رکھتے ۔اسی دوران پاکستان میں علیم خان ن لیگ کے سینئر رہنماؤں سے بھی ملاقاتیں کرتے رہے اور انہوں نے رانا ثناء اللہ سے کئی ملاقاتیں کیں۔علیم نواز سے ملاقات کے لیے لندن روانہ ہونے سے چند گھنٹے قبل، وفاقی وزراء فواد چوہدری، پرویز خٹک اور پنجاب کے گورنر چوہدری سرور نے علیم کی وزیراعظم سے ملاقات کی پیشکش کی اور انہیں یقین دلایا کہ ان کے تمام مطالبات پورے کیے جائیں گے۔
وزیراعظم عمران خان کے مشیروں میں سے ایک کے گھر ایک اور اعلیٰ سطحی اجلاس ہوا۔ اس ملاقات میں گورنر سندھ عمران اسماعیل اور مشیر بھی موجود تھے۔ انہوں نے علیم خان کو بتایا کہ وہ وزیراعظم عمران خان کو اعتماد میں لینے کے بعد ان سے ملاقات کر رہے ہیں۔ذرائع نے بتایا کہ سابق وزیر نے واضح کیا کہ وہ “متعدد معاملات پر نظر انداز کرنے اور قومی احتساب بیورو (نیب) کے ہاتھوں ان پر کیچڑ اچھالنے کی وجہ سے کپتان سے ناراض ہی انہوں نے حکومتی وفود کو یہ بھی بتایا کہ ان کا ماننا ہے کہ خان حکومت کے لیے معاملات سنبھالے نہیں جا رہے اور کوئی بھی ان کی کارکردگی سے مطمئن نہیں ۔
علیم خان نے وزراء کو بتایا کہ وہ عمران خان کو بتا دیں کہ وہ نواز سے ملنے لندن جا رہے ہیں اور اب واپسی کا کوئی راستہ نہیں ہے۔علیم نے دوٹوک الفاظ میں کہا کہ اقتدار میں آنے کے بعد وزیراعظم بدل گئے اور انہیں نیچا دکھایا۔ “مجھے تباہ کرنے کی کوشش کی گئی- ان کی منشا اور مرضی کے بغیر ان کی گرفتاری نہیں ہو سکتی تھی ذرائع کے مطابق، ثناء اللہ اور مسلم لیگ (ن) کے دیگر رہنماؤں نے علیم کو مشورہ دیا کہ بہتر ہو گا کہ وہ معاملات کو آگے بڑھانے کے لیے نواز سے ذاتی طور پر ملیں۔ اسکے بعد باقاعدہ ملاقات کا اہتمام کیا گیا اور پھر سابق وزیرعلیم خان نواز شریف سے ملنے لندن روانہ ہوگئے۔