شہباز شریف نے پاکستان کی گرتی ہوئی معیشت کو سنبھالنے کے لیے ترکی کا دورہ کیا جہاں انھوں نے ایک ترک ٹی وی کو انٹرویو بھی دیا اس انٹرویو میں انھوں نے کہا کہ میرا وژن پاکستان کی تعمیر نو اور غربت میں کمی اور کفایت شعاری کو یقینی بنانے کے لیے سرکاری شعبے کے بجٹ میں کٹوتی کے لیے اپنی پوری کوشش کرنا ہے ۔
وزیراعظم نے کہا کہ ان کی موجودہ حکومت انتخابات سے قبل عوام کو درپیش مسائل کے حل کے لیے قلیل مدتی اقدامات کرے گی۔ تاہم، انہوں نے اس بات پر زور دیا کہ اگر ان کی پارٹی اقتدار میں واپس آتی ہے، تو بے روزگاری اور غربت جیسے مسائل سے نمٹنے کے لیے ایک مکمل ترقیاتی ایجنڈا شروع کیا جائے گا۔وزیراعظم میں محمد شہبازشریف کا مزید کہنا تھا کہ عالمی سطح پر ایندھن کی قیمتوں میں اضافے نے ان کی حکومت کو تیل اور گیس کی قیمتوں میں اضافے پر مجبور کردیا ایسا کرنا ان کی مجبوری ہے کیونکہ دنیا بھر میں مہنگائی بڑھ رہی ہے ۔
وفاقی حکومت نے جمعرات کو قوم پر ایک ایندھن میزائل گرا دیا اس کے ساتھ ساتھ بجلی کی قیمتیں بھی بڑھادی گئیں تاکہ بین الاقوامی مالیاتی فنڈ کی طرف سے عالمی قرض دہندہ کے ساتھ دستخط کیے گئے تعطل کا شکار قرض پروگرام کی بحالی کے لیے عائد کردہ شرائط کو پورا کیا جا سکے تاہم اس فیصلے پر عوام کا سخت ردعمل متوقع ہے کیونکہ اسفیصلے سے غریب طبقے کا ایک وقت کا کھانا کھانا بھی دوبھر ہوگیا ہے ۔
.