بھارت میں کئی کروڑ مسلمانوں کو مودی سرکار نے بری طرح دھتکار دیا یا نظر انداز کردیا اور کسی بھی مسلمان کو اپنی کابینہ کا حصہ نہیں بنایا جو انتہائی قابل افسوس اور قابل شرم فیصلہ ہے -نو منتخب بھارتی وزیرِ اعظم مودی کی کابینہ میں کسی مسلمان کو وزیر نہیں بنایا گیا۔بھارتی میڈیا کے مطابق نریندر مودی کی نئی حکومت میں 30 وزراء اور 41 وزرائے مملکت شامل ہیں۔
بھارت کی نئی مرکزی حکومت کی کابینہ کا پہلا اجلاس آج شام کو ہو گا، کابینہ بھارتی صدر سے پارلیمنٹ کا سیشن جلد بلانے کی درخواست کرے گی۔تجزیہ کاروں کا کہنا ہے کہ مضبوط اپوزیشن کے سامنے متنازع سیاسی امور پر اتفاق رائے پیدا کرنا مودی حکومت کے لئے چیلنج ہو گا۔واضح رہے کہ گزشتہ روز بھارت کے نو منتخب وزیرِ اعظم نریندر مودی نے مسلسل تیسری بار وزارت عظمیٰ کا حلف اٹھایا تھا۔بھارت کی صدر دروپدی مرمو نے نریندر مودی سے ان کے عہدے کا حلف لیا تھا، تقریب حلف برداری راشٹراپتی بھون (بھارتی ایوان صدر) میں ہوئی تھی، جس میں نومنتخب ارکان اسمبلی اور مہمان شریک تھے۔بھارت میں مسلمانوں کی ایک بہت بڑی تعداد آباد ہے جو ملک کی ترقی ،خوشحالی اور کامیابیوں میں اپنا حصہ ڈال رہی ہے –
مودی کی 71 رکنی کابینہ میں کسی مسلمان کو وزیر نہیں بنایا گیا
39
