بھارت کے شہر ممبئی میں مٹی کے طوفان کے باعث 100 فٹ لمبا بل بورڈ گرنے سے 14 افراد ہلاک ہوگئے۔یہ بورڈ ایک پٹرول پمپ پر جاگرا جہاں بچوں سمیت بڑی تعداد میں لوگ پٹرول بھروانے یا گرد اور مٹی سے بچنے کے لیے موجود تھے۔ حادثے میں 70 افراد زخمی ہوئے۔حکام کے مطابق دیو ہیکل بل بورڈ کے تلے دبنے والوں کی تلاش کا کام جاری ہے۔ جس کے سبب ہلاکتوں میں اضافے کا خدشہ ہے۔ ممبئی میں گزشتہ شام اچانک مٹی کا شدید طوفان آیا جس کے نتیجے میں بجلی اور مواصلات کے نظام کو نقصان پہنچا اور ٹریفک کی روانی بری طرح متاثر ہوئی تھی اور وہیں یہ دلخراش حادثہ بھی بہت سے گھرانوں کا چین اجاڑ گیا ۔