راولپنڈی .اسلام آباد ،لاہور اور پشاور سمیت ملک کے مختلف شہروں میں زلزلے کے شدید جھٹکے محسوس کیے گئے ہیں۔ زلزلہ پیما مرکز کے مطابق زلزلے کی شدت 5.5 جبکہ مرکزافغانستان اور تاجکستان کے بارڈر کے قریب کوہ ہندو کش سلسلہ میں 196 کلو میٹر زیر زمین تھا۔
تفصٰلات کے مطابق زلزلے کے جھٹکے لاہور، نوشہرہ، سوات، بنوں، ڈی آئی خان،اسلام آباد، لوئر دیر ، اپر دیر، دیامر ، چلاس، روالپنڈی، منڈی بہاؤ الدین، میانوالی ، شیخوپورہ، ننکانہ صاحب اورپشاور سمیت ملک کے دیگر شہروں میں بھی محسوس کیے گئے ، زلزلے کے باعث شہریوں میں خوف و ہراس پھیل گیا اور شہری کلمہ طیبہ کا ورد کرتے ہوئے گھروں سے باہر نکل آئے ۔ تاہم ابھی تک کسی قسم کی جانی اور مالی نقصان کی کوئی خبر رپورٹ نہیں ہوئی –