پاکستان میں اس وقت جس بات پر سب سے زیادہ تشویش کا اظہار کیا جارہا ہے وہ پاکستانیوں کے فون ٹیپ کرنے کا مسئلہ ہے -کسی بھی شخص کا ٹیلی فون ٹیپ کرنا غیر اخلاقی حرکت کہلاتی ہے اگرچہ پوری دنیا میں یہ کام ہورہا ہے مگر پاکستان دنیا کا وہ واحد ملک ہے جہاں ٹیلی فون ٹیپ کرکے آڈیو بھی لیک کی جارہی ہیں جو بہت بڑا جرم ہے -معروف قانون دان اعتزاز احسن کا کہنا ہے کہ اس وقت 51 اہم شخصیات کے ٹیلی فون ٹیپ کیے جا رہے ہیں۔ اعتزاز احسن کا کہنا تھا کہ حکومت چیف جسٹس عمرعطا بندیال اور ان کے خاندان سمیت دیگر ججز کے بھی ٹیلی فون ٹیپ کر رہی ہے جو کہ غیر قانونی اقدام ہے، ٹیلی فون ٹیپ کرنے سے متعلق سپریم کورٹ کا فیصلہ موجود ہے، پیپلزپارٹی کی حکومت پربھی ججز کے ٹیلی فون ٹیپ کرنے کا الزام تھا ۔
24 گھنٹے سپريم کورٹ کے ہر جج کی کال ريكارڈ کر کے مسلم لیگ نون کو دی جا رہی ہیں ججز کے علاوہ ججز کی فیملی کے 50 قریبی لوگوں کی بھی کالز بلیک میلنگ کیلئے ريكارڈ کی جا رہی ہیں
)یاد رہے کال ریکارڈ کرنے کی اٹھارٹی isi ,ib ,اور cia کے پاس ہوتی ہے )
اعتزاز احسن pic.twitter.com/8MIbLtmj9n— Queen (@queenG786) May 2, 2023
انہوں نے کہا کہ مریم نواز ، رانا ثنااللہ اور خواجہ آصف نے سپریم کورٹ سے ٹکر لے کر نا اہل ہونے کا منصوبہ بنایا ہے ، یہ لوگ چاہتے ہیں کہ عدالت انہیں نااہل کردے تاکہ نااہلی کے بہانہ بنا کر الیکشن نہ کرائے جائیں، انھوں نے مشورہ دیا کہ سپریم کورٹ کو چاہیے کہ تحمل کا مظاہرہ کریں تاکہ ان لوگوں کو الیکشن سے بھاگنے کا موقع نہ ملے۔
انہوں نے کہاکہ یہ ن لیگ والوں نے بڑی سخت تقریریں کی ہیں جن پر تو ہین عدالت کی کارروائی بنتی ہے لیکن سپریم کورٹ کو چاہیے کہ فی الحال ان لوگوں کے ساتھ لاڈ کرے ۔مگر جو بھی آج یہ کام کررہا ہے وہ اپنے وطن کے ساتھ دشمنی کررہا ہے اس فعل کی کسی طور حمایت نہیں کی جاسکتی –
