ملک کی پہلی خاتون خلاباز نمیرہ سلیم خلا کے تاریخی سفر کے لیے تیار

خلیج ٹائمز کی رپورٹ کے مطابق، پاکستان کے لیے ایک بڑی کامیابی میں، ملک کی پہلی خاتون خلاباز نمیرہ سلیم خلا کے تاریخی سفر کے لیے تیار ہو رہی ہیں۔نمیرہ، جو دبئی میں مقیم پاکستانی ایکسپیٹ ہیں، 5 اکتوبر کو اپنی آسمانی مہم کا آغاز کریں گی۔ وہ خلا میں پاکستان کا جھنڈا لہرانے کے لیے پرعزم ہیں۔
خلائی سیاحتی کمپنی، ورجن گیلیکٹک ہولڈنگز نے اعلان کیا ہے کہ ان کی فلائٹ ونڈو اگلے ماہ اپنے سفر کا آغاز کرے گی۔ورجن گیلیکٹک کے بانی خلاباز رچرڈ برانسن کی جانب سے انہیں سیٹ نامزد کرنے کے بعد نمیرا پہلے ہی خلائی مسافر نمبر 6 کی پوزیشن حاصل کر چکی ہیں۔ خلا میں اس کے پہلے سفر میں خلائی مسافر 019 کے ذریعے سہولت فراہم کی جائے گی۔حکومت پاکستان نے 2006 میں نمیرہ کو باضابطہ طور پر ملک کی پہلی خلاباز کے طور پر تسلیم کیا۔ اس کے بعد انھوں نے 2007 میں پاکستان کے لیے سیاحت کی اعزازی سفیر کے طور پر بھی خدمات انجام دیں۔
نمیرہ اپریل 2007 میں قطب شمالی تک پہنچنے والی پہلی پاکستانی بنیں اور انہوں نے جنوری 2008 میں پاکستان کا سبز ہلالی پرچم یہاں لہرایا- نمیرا کو 2008 میں ماؤنٹ ایورسٹ پر اسکائی ڈائیو کرنے والی پہلی ایشیائی اور پہلی پاکستانی ہونے کا اعزاز بھی حاصل ہے۔ انہیں 2011 میں تمغہ امتیاز سے نوازا گیا۔نگراں وزیر اطلاعات و نشریات مرتضیٰ سولنگی نے کہا کہ نمرہ سلیم کا خلاء کا آئندہ سفر خلائی تحقیق میں پاکستان کی بڑھتی ہوئی موجودگی اور قوم کے لیے ایک بڑی کامیابی کی علامت ہے ۔مرتضیٰ سولنگی نے نمرہ سلیم کو حکومت پاکستان، نگراں وزیراعظم انوار الحق کاکڑ اور عوام کی جانب سے خلائی سفر شروع کرنے پر مبارکباد دی اور ان کی کامیابی کے لیے نیک خواہشات کا اظہار کیا۔نمرہ سلیم کو تمام خواتین کے لیے رول ماڈل قرار دیتے ہوئے سولنگی نے کہا کہ نوجوان نسل زندگی کے مختلف شعبوں میں پاکستان کا نام دنیا میں بلند کر سکتی ہے۔انہوں نے کہا کہ “نمیرہ سلیم امن پسند اور ترقی پسند ملک کے طور پر پاکستان کے مثبت امیج کو اجاگر کرے گی۔