وزیر برائے موسمیاتی تبدیلی شیری رحمان نے کہا ہے کہ مون سون کی حالیہ بارشوں سے ستتر افراد ہلاک ہو چکے ہیں۔
بدھ کو اسلام آباد میں ایک نیوز کانفرنس سے خطاب کرتے ہوئے انہوں نے کہا کہ یہ واقعی ایک قومی سانحہ ہے۔ انہوں نے کہا کہ سب سے زیادہ انتیس اموات بلوچستان میں ہوئی ہیں۔
وزیر برائے موسمیاتی تبدیلی نے کہا کہ نیشنل ڈیزاسٹر مینجمنٹ اتھارٹی نے مون سون کا قومی ہنگامی منصوبہ تیار کر لیا ہے۔ انہوں نے کہا کہ مون سون کی بارشوں کے نتیجے میں ہونے والی ہلاکتوں کو کم کرنے کے لیے صوبوں، اضلاع اور عوام کو چوکنا رہنا ہوگا۔
