مفتاح اسماعیل نے کرغزستان کے ساتھ دوطرفہ تعلقات کو بڑھانے کے عزم کا اظہار کیا

وزیر خزانہ مفتاح اسماعیل نے کہا ہے کہ پاکستان دوست ممالک کے ساتھ دوطرفہ تعلقات کی ترقی کو بہت اہمیت دیتا ہے۔

وہ اسلام آباد میں کرغزستان کے سفیر توتوئیف اولان بیک اسانکولوچ سے بات چیت کر رہے تھے۔

انہوں نے کرغزستان کے ساتھ دوطرفہ تعلقات کو بڑھانے کے عزم کا اظہار کیا۔

انہوں نے سفیر کو پاکستان میں سرمایہ کاری کے ممکنہ مواقع سے بھی آگاہ کیا۔

جمہوریہ کرغزستان کے سفیر نے کہا کہ ان کا ملک پاکستان کے ساتھ تجارت، سرمایہ کاری اور کاروبار کے شعبوں میں تعلقات کو بڑھانے میں گہری دلچسپی رکھتا ہے۔