معروف سوشل میڈیا چائلڈ سٹار احمد شاہ کی چھوٹی بہن عائشہ انتقال کر گئیں

فہد مصطفیٰ اور وسیم بادامی کے ساتھ پروگرام میں شرکت کرکے شہرت حاصل کرنے والے احمد شاہ کی چھوٹی بہن اس جہان فانی سے کوچ کرگئی –
معروف سوشل میڈیا چائلڈ سٹار احمد شاہ کی چھوٹی بہن عائشہ شدید علالت کے بعد انتقال کر گئیں۔ نجی ٹی وی چینل کی خبر کے مطابق احمد شاہ کی طرف سے یہ افسوسناک خبر اپنے انسٹاگرام اکاﺅنٹ کے ذریعے شیئر کی گئی ہے۔انسٹاگرام سٹوری میں انہوں نے اپنی بہن کی تصویر بھی پوسٹ کی اور لکھا کہ ”انا للہ وانا الیہ راجعون۔بے شک ہم اللہ کے لیے ہیں اور اسی کی طرف لوٹ کر جانے والے ہیں۔ہم بہت دکھی دل کے ساتھ بتا رہے ہیں کہ آج ہم نے اپنی شہزادی عائشہ کو کھو دیا۔ پلیز اس کی مغفرت کے لیے سورة فاتحہ پڑھیں۔ ان کا ایک ڈائیلاگ ‘ پیچھے تو دیکھو “بہت زیادہ مشہور ہواتھا جسے بہت سے ویڈیو کلپس میں بھی استعمال کیا جاتا ہے –