مستقبل میں کوئی بھی حکومت بنائے ہم ملک کے وسیع تر مفاد میں اس کے ساتھ ملکر کام کریں گے: بلاول زرداری

آج پہلی بار کراچی کے مئیر کے لیے پیپلز پارٹی کے جیالے مرتضیٰ وہاب نے حلف اٹایا تا بلاول کی خوشی کا کوئی ٹھکانہ نہ رہا – چیئرمین پیپلز پارٹی بلاول بھٹو نے کہا ہے کہ آج ہمارے لئے خوشی کی بات ہے کہ پہلی بار کراچی میں پی پی کے میئر اور ڈپٹی میئر منتخب ہوئے، مرتضیٰ وہاب اور سلمان عبداللہ کو مبارکباد پیش کرتاہوں۔ ان کا کہنا تھا کہ امید کرتے ہیں دونوں عوام کی امیدوں پر پورا اتریں گے۔ تاہم انھوں نے کہا کہ کراچی کے شہری پانچ سال بعد مجھ سے شہر کی کارکردگی کے بارے میں سوال کریں مگر وہ شائید یہ بھول رہے ہیں کہ کراچی بھی سندھ کا ہی حصہ ہے کہاں ان کی پارٹی کی 35 سال سے حکومت ہے ۔انہوں نے کہا کہ پیپلز پارٹی کے جیالوں نے ہمیشہ اس ملک کیلئے اپنی جانوں کے نذرانے پیش کئے۔ آج ہم ان تمام شہدا کو سلام پیش کرتے ہیں، ہم اپنی کامیابی کو اپنے شہدا کے نام کرتے ہیں۔

چیئرمین پاکستان پیپلز پارٹی بلاول بھٹو زرداری میئر کراچی اور ڈپٹی میئر کراچی کی حلف برداری کے تقریب میں شرکت ۔@SalmanAMurad @murtazawahab1 @BBhuttoZardari #MayorKarachiBilawalKa pic.twitter.com/PeOQw2IPtx

— aamir shahzad (@aamirsh13229642) June 19, 2023

بلاول بھٹو نے کہا کہ ہماری پارٹی ہمیشہ سے ہی عوام کیلئے کام کرتی رہی ہے اور کرتی رہے گی۔ آج جو ہم پر دھاندلی کے الزامات لگارہے ہیں انہیں اپنی کارکردگی سے جواب دیں گے۔ چیئرمین پی پی کا کہنا تھا کہ ماضی میں یہ شہر ایک فون کال پر چلتا تھا، ہم تقسیم اور نفرت کی سیاست کو ختم کرنے کی کوشش کریں گےانھوں نے ایم کیو کو بھی نہ بخشا ۔ مگر وہ یہاں بھی اپنی پارٹی میں ان افراد کے بارے میں بھول گئے جو مختلف کیسز میں پولیس اور دیگر اداروں کو مطلوب رہے -پیپلز امن کمیٹی پر کیا کیا کیسز بنے ؟اب ہم عنقریب ایم کیو ایم کی جانب سے ان سب باتوں پر ایک دھواں دھار پریس کانفرنس دیکھیں گے -اور اگر وہ نہ بولے تو جماعت اسلامی اس کا بھرپور جواب دے گی –

ماضی میں پیپلز پارٹی کو کراچی میں میئر بنانے سے روکا گیاتھا۔ ان کا کہنا تھا کہ کراچی کے معاملے پر ذاتی دلچسپی لوں گا۔ مرتضیٰ وہاب کی کارکردگی کراچی گزشتہ تمام میئرز سے بہتر ہوگی۔سب کو دعوت دیتا ہوں کہ آئیں مل بیٹھ کر تمامسائل کا خاتمہ کریں۔ ملک کے تمام مسائل کا حل کراچی کی ترقی میں ہے۔الیکشن کے حوالے سے انہوں نے کہا کہ مستقبل میں کوئی بھی وفاقی حکومت ہو ہم ملک کے وسیع تر مفاد میں اس کے ساتھ ملکر کام کریں گے۔