پاکستان مسلم لیگ ن کے سینئر نائب صدر اور سابق وزیراعظم نے ایک بار پھر اس بات کو دہرایا کہ اگر مریم نواز کو شہباز شریف کی جگہ پارٹی سونپی گئی تو وہ مسلم لیگ ن سے علیحدگی کا اعلان کردیں گے -وہ کبھی مریم نواز کو اپنا قائد تسلیم نہیں کریں گے -ان کا کہنا تھا کہ
اگر مریم نواز کل پارٹی کی صدارت کی پوزیشن پر آتی ہیں تو پھر میرا فیصلہ ہو گا کہ میں جماعت میں آگے چل سکتا ہوں یا نہیں چل سکتا اورسیاست کرنی ہے یا نہیں کرنی اور میری سیاست مسلم لیگ (ن)کے اندر ہی ہے۔
تاہم انھوں نے اس بات کو رد کردیا کہ وہ کسی اور جماعت میں شامل ہونے جارہے ہیں -پاکستان مسلم لیگ کے سینئر رہنما اور سابق وزیر اعظم شاہد خاقان عباسی نے کہا ہے کہ میں وقت آنے پر آئندہ الیکشن لڑنے کا فیصلہ کروں گا، اگر میں نے الیکشن لڑا تومسلم لیگ(ن)کے ٹکٹ پر لڑوں گااوراگر مسلم لیگ (ن)کا ٹکٹ نہ ملا توپھر میں الیکشن ہی نہیں لڑوں گا، میرے لیڈر نوازشریف ہیں اورپارٹی کے صدر شہبازشریف ہیں، مریم نوازمیری لیڈر نہیں اور نہ ہی مریم نواز کا دعویٰ ہے کہ وہ پارٹی کی لیڈرہیں۔
میں مسلم لیگ (ن)کے ساتھ ہوں، میں اسی جماعت کے ساتھ پہلے دن سے ہوںاورشاید آج جماعت کے پرانے ترین لوگوں میں سے ہوں، خداکا کرم ہے، بہت سے مراحل بھی آئے لیکن میں جماعت کے ساتھ ہی رہا، اس جماعت سے اپنے گھر ہی جاسکتے ہیں، کوئی اورگھر ہمارا ہے نہیں۔مگر سیاست کے سینے میں دل نہیں ہوتا اور سیاست دان اپنی بات سے کسی بھی وقت یوٹرن لے لیتے ہیں یہ کوئی انہونی بات نہیں ہے –