مسلم لیگ نون اور پی ڈی ایم عمران خان کی بڑھتی ہوئی مقبولیت سے اتنی پریشان ہے کہ الیکشن میں جانے کی بھی ہمت نہیں کر پارہی -مریم نواز جنہیں ماضی میں کراؤڈ پلر کہا جاتا تھا وہ بھی بڑے جلسے کرنے سے کترارہی ہیں -لوگوں کو اپنی جانب راغب کرنے کی غرض سےمریم نواز ایم ایس ایف کو مذید فعال کرنا چاہ رہی ہیں -پاکستان مسلم لیگ (ن) کی سینئر نائب صدر و چیف آرگنائزر مریم نواز شریف نے ایم ایس ایف کو نئی قوت سے شروع کرنے کا اعلان کردیا ۔
مریم نواز نے ایم ایس ایف میں نوجوانوں کو شمولیت کی دعوت دے دی، اپنے ٹویٹر پیغام میں ان کا نوجوانوں سے کہنا تھا کہ ایک خصوصی کیو آر کوڈ جاری کردیا گیا ہے جس کے ذریعے نوجوان اپنی رجسٹریشن کرا سکتے ہیں۔ ٹوئٹر پر مسلم لیگ ن رہنما مریم نواز شریف نے کہاکہ سٹوڈنٹ فیڈریشن نے قیام پاکستان میں بنیادی کردار ادا کیا، سٹوڈنٹ فیڈریشن کا ایک بار پھر آغاز کیا جارہاہے، کیو آر کوڈ سکین کریں اور طالب علموں، نوجوانوں کی متحرک اور فعال تنظیم کا حصہ بنیں۔