محکمہ موسمیات کی ملک بھر میں مزید بارشوں کی پیشن گوئی

پاکستان مین جھلسا دینے والی گرمی کو آخر بریک لگ ہی گیا اور ڈیرھ ماہ سے جاری شدید گرمی میں کافی حد تک بارشوں کی وجہ سے کمی آئی -اب محکمہ موسمیات نے پیشن گوئی کی ہےکہ وفاقی دارالحکومت، پنجاب، پختونخوا، کشمیر اور ملک کے دیگر علاقوں میں آئندہ 24 گھنٹوں کے دوران بارش کا امکان ہے۔ ملک کے مختلف حصوں میں تیز آندھی اور بارشوں کا سلسلہ شروع ہو چکا ہے جب کہ آئندہ 24 گھنٹوں کے دوران ملک کے بیشتر علاقوں میں تیز ہوائیں، آندھی چلنے کے ساتھ تیز بارش کا بھی امکان ہے۔

شمال مشرقی بلوچستان، پنجاب، اسلام آباد، خیبرپختونخوا، کشمیر اور گلگت بلتستان میں آندھی، جھکڑ چلنے اور گرج چمک کے ساتھ چندمقامات پر بارش ہو سکتی ہے جب کہ ملک کے دیگر علاقوں میں موسم گرم اور خشک رہے گا۔جمعہ کے روز مری گلیات، اٹک راولپنڈی، چکوال، جہلم، ملتان، خانیوال، ساہیوال، لاہور، شیخوپورہ، سیالکوٹ، نارووال، حافظ آباد، فیصل آباد، گوجرانوالہ، قصور، جھنگ، لیہ، بھکر، ڈی جی خان میں آندھی اور گرج چمک کے ساتھ بارش کا امکان جبکہ دوران وسطی اور بالائی علاقوں میں بعض مقامات پر ژالہ باری و موسلا دھار بارش کا بھی امکان ہے۔گزشتہ روز پاکستان کے چاروں سوبون مین بادل جم کر برسے جس کیوجہ سے درجہ حرارت میں کئی درجے کمی ہوگئی -محکمہ موسمیات کا کہنا ہے کہ پری مون سون کا آغاز آئندہ ایک ہفتے تک ہوجائے گا جس مین شدید بارشیں متوقع ہیں –