پاکستان کے وکٹ کیپر بلے باز محمد رضوان اور خواتین کرکٹ ٹیم کی ندا ڈار کو انٹرنیشنل کرکٹ کونسل (آئی سی سی) کے ٹی ٹوئنٹی انٹرنیشنل پلیئر آف دی ایئر کے لیے نامزد کیا گیا ہے۔آئی سی سی نے جمعرات کو ایوارڈ کے لیے مرد اور خواتین کرکٹرز کی کیٹیگریز کے لیے نامزد افراد کی فہرست جاری کی۔محمد رضوان، ICC T20I پلیئر آف دی ایئر 2021، مسلسل دوسرے سال ایوارڈ کے لیے دوڑ میں ہیں۔دائیں ہاتھ کے بلے باز نے 2022 میں 25 ٹی ٹونٹی میچوں میں 996 رنز بنائے اور 9 کیچز اور تین اسٹمپنگ کیے۔ مردوں میں صرف سوریہ کمار یادیو نے سال میں رضوان سے زیادہ رنز بنائے۔
رضوان نے T20Is میں سال میں دس نصف سنچریاں بنائیں ۔ محمد رضوان 2021 میں T20 پلیئر آف دی ایئر تھے۔ہندوستانی بلے باز سوریہ کمار یادیو، زمبابین آل راؤنڈر سکندر رضا اور ٹی ٹوئنٹی ورلڈ کپ میں پلیئر آف دی ٹورنامنٹ سیم کران کو بھی ایوارڈ کے لیے نامزد کیا گیا ہے۔
پاکستانی آل راؤنڈر نڈا ڈار بھی بیسٹ ٹی ٹونٹی پلیئر ف دی ائیر میں جگہ بنانے میں کامیاب ہوگئیں – نڈا ڈار نے 16 ٹی ٹوئنٹی میچوں میں 56.57 کی اوسط سے 396 رنز بنائے اور 15 وکٹیں حاصل کیں۔ وہ 100 ٹی- ٹونٹی وکٹیں حاصل کرنے والی پہلی اور واحد پاکستانی گیند باز بن گئیں اور اس وقت خواتین کے ٹی ٹونٹی میں سب سے زیادہ وکٹیں لینے والی دوسری باؤلر ہیں۔
ڈار نے اس سال تین ففٹی پلس سکور بنائے: کامن ویلتھ گیمز میں ناقابل شکست ففٹی، ایشیا کپ میں ہندوستان کے خلاف بہترین پرفارم کیا ، اور نومبر میں آئرلینڈ کے خلاف ہوم سیریز میں 61 رنز بنائے۔ڈار نےایشیا کپ میں غیر معمولی کارکردگی دکھائی ، جس میں انہوں نے چھ میچوں میں 72.50 کی شاندار اوسط سے 145 رنز بنائے، اور ایک 15 رنز کی اوسط کے ساتھ آٹھ وکٹیں بھی حاصل کیں۔ندا کے ساتھ ہندوستانی بلے باز اسمرتی مندنا، نیوزی لینڈ کی سوفی ڈیوائن اور آسٹریلوی ٹاہلیا میک گرا کو ایوارڈ کے لیے نامزد کیا گیا ہے۔