بالی وڈ کی مشہور اداکارہ و سیاستدان کنگنا رناوت جو پاکستان اور مسلمانوں کے خلاف بہت زہر اگلتی ہیں اس بار بے جی پی کی جانب سے الیکشن تو جیت گئیں مگر ائیرپورٹ پر وہ اک بار پھر بے عزت ہوگئیں -ان کو ائیرپورٹ پر سیکیورٹی اہلکار نے تھپڑ رسید کر دیا۔
بھارتی میڈیا کے مطابق سینٹرل انڈسٹریل سیکورٹی فورس کی خاتون کانسٹیبل نے چندی گڑھ ائیرپورٹ پر اداکارہ کو کسانوں کی بے عزتی پر تھپڑ مارا۔ تھپڑ مارنے والی خاتون کانسٹیبل کی شناخت کلوندر کور کے نام سے ہوئی ہے جن کا تعلق بھارتی پنجاب کے کپورتھلا کے سلطان پور لودھی سے ہے۔ رپورٹ کے مطابق وہ ایک کسان رہنما شیر سنگھ ملہیوال کی بہن ہیں۔بھارتی میڈیا نے بتایا کہ کنگنا رناوت نئی دلی کے لیے فلائٹ میں سوار ہونے والی تھیں جب یہ واقعہ رونما ہوا۔اب اس واقعہ میں کتنی صداقت ہے اور ان کو تھپڑ مارنے کے پیچھے کیا بات پوشیدہ ہے یہ بھارتی میڈیا نکال ہی لے گا –