لیجنڈز لیگ میں ایشیاءلائنز کے کپتان شاہد آفریدی نے ایک بیٹنگ کمپنی (جو جوئے کا کاروبار کرتی ہے) کی شرٹ پہننے سے انکار کر دیا۔ نیوز ویب سائٹ’پروپاکستانی‘ کے مطابق قطر میں جاری لیجنڈز لیگ کے افتتاحی میچ میں شاہد آفریدی نے اپنی شرٹ پر لکھے اس کمپنی کے نام پر ٹیپ لگا کر اس کا نام چھپا کر میچ میں شرکت کی۔
رپورٹ کے مطابق شرٹ پر اس کمپنی کا نام چھپانے پر کھلاڑیوں کو جرمانہ بھی ہو سکتا ہے کیونکہ اس طرح کی حرکت بین الاقوامی قوانین کی خلاف ورزی کہلاتیہے جس کی پاداش میں کھلاڑی کو جرمانہ کیا جستا ہے یا اس کے کھیلنے پر پابندی لگائی جاسکتی ہے ۔ اس کے باوجود شاہد آفریدی نے اس کمپنی کا لوگو اور نام چھپا دیا۔ شاہد آفریدی کے اس عمل کو پاکستانیوں کی جانب سے کافی پزیرائی مل رہی ہے کیونکہ ایک مسلمان کے نزدیک اسلامی قوانین کے سامنے بین الاقوامی قوانین کی کوئی حیثیت نہیں –