لاہور: مریم نواز فری وائی فائی رینج بڑھادی گئی

وزیراعلیٰ پنجاب مریم نواز شریف کی ہدایت پر سیف سٹی ایمرجنسی میں شہریوں کی سہولت کیلئے فری وائی فائی سروس فراہم کر رہی ہے۔ شہری کسی بھی ایمرجنسی میں اپنے موبائل فون میں بیلنس ختم ہوجانے یا کسی دوسری ممکنہ مجبوری کی صورت میں وائی فائی کے ذریعے پولیس اور اپنے عزیزوں سے رابطہ کر سکتے ہیں اپنے بارے میں گھر والون کو آگاہ کرسکتے ہین ۔شہری کسی قسم کے حادثے یا حملے کی صورت میں فری وائی فائی سروس سے ویمن سیفٹی، پنجاب پولیس ایپ اور واٹس ایپ استعمال کر سکتے ہیں۔لاہور بھر میں نصب ہر فری وائی فائی ڈیوائس کی رینج 300 فٹ ہے۔ترجمان کے مطابق فری وائی فائی ایمرجنسی سروس ویڈیو سٹریمنگ یا انٹرٹینمنٹ کیلئے نہیں ہے، یہ سروس صرف ایمرجنسی میں استعمال کیلئے ہے، تاہم اس سے مختلف ایپلی کیشن کو ڈاون لوڈ بھی کیا جا سکتا ہے۔ترجمان سیف سٹیز کے مطابق فری وائی فائی سروس کو ٹیکسی رائیڈ بک کرانے کیلئے بھی استعمال کیا جاسکتا ہے۔