حکومت پنجاب نے عوام کو سستے ترین لائسنس بنوانے کے لیے ایک مہینہ کی مدت دی تھی جس پر عوام کی ایک بڑی تعداد نے لائنوں میں لگ لگ کر لائسنس بنوانے شروع کردئے -مگر اب حکومت نے یکم جنوری سے یہ مفتے کا پروگرام بند کرنے کا فیصلہ کرلیا ہے -پنجاب حکومت نے یکم جنوری سے لرننگ لائسنس کی فیس 60روپے سے بڑھا کر 1 ہزار روپے کرنے کا فیصلہ کیا ہے۔
نجی ٹی وی چینل” دنیا نیوز” کے مطابق نگران وزیراعلیٰ پنجاب محسن نقوی کی زیرصدارت صوبائی کابینہ کااجلاس ہوا، اجلاس میں ڈرائیونگ لائسنس کی فیس میں اضافے کی منظوری دی گئی جس کا اطلاق یکم جنوری سےہوگا۔اجلاس میں فیصلہ میں کیا گیاکہ یکم جنوری سے قبل ڈرائیونگ لائسنس موجودہ شرح فیس سے بنائے جائیں گے،یکم جنوری سے لرنر کی فیس 60روپے سے بڑھا کر 1 ہزار روپے کی دی جائے گی،ایل ٹی وی، ایچ ٹی وی، پی ایس وی لائسنس فیس کی شرح میں بھی اضافہ ہوگا۔فیس تو بڑھ جائے گی مگر پھر لوگ باآسانی اپنے لائسنس بنوا پائیں گے کیونکہ پھر لوگوں کی یہ لمبی لمبی قطاریں کم ہوجائیں گی –