�پاکستانی قوم ورلڈ کپ میں عماد وسیم کی شمولیت کے لیے آواز اٹھاتی رہی مگر انہیں نظرانداز کیا گیا اور پورے ورلڈ کپ میں ان کی کمی شدت سے محسوس کی گئی اب پی ایس ایل میں انھوں نے اپنی کارکردگی سے ثابت کیا کہ وہ کئی سال پاکستان کے لیے کھیل سکتے ہیں -اب پی سی بی بھی ان کو تیم مین واپس لانے پر آمادہ نظر آتا ہے -جس کے بعدآل راؤنڈر عماد وسیم کے ریٹائرمنٹ واپس لینے کے امکانات بڑھ گئے۔جیو نیوز کے مطابق عماد وسیم فیملی اور دوستوں سے مشاورت کے بعد ریٹائرمنٹ واپس لینے کا اعلان کرسکتے ہیں۔قومی ٹیم کے چیف سلیکٹر وہاب ریاض اور عماد وسیم کے درمیان رابطہ ہوا ہے اور دونوں نےریٹائرمنٹ کےمعاملے پربات چیت کی۔عماد وسیم نے چیف سلیکٹر سے ورلڈ کپ کا پلان پوچھ لیا اور ساتھ ہی بہتر سینٹرل کنٹریکٹ کی بھی یقین دہانی مانگی ہے۔ عماد وسیم کو ورلڈ کپ تک کی یقین دہانی ملی تو ریٹائرمنٹ واپس لے سکتے ہیں۔
خیال رہے کہ عماد وسیم نے گزشتہ برس نومبر میں انٹر نیشنل کرکٹ سے ریٹائر منٹ کا اعلان کیا تھا۔ انہوں نے پی ایس ایل کے پلے آف میچز اور فائنل میں غیر معمولی کارکردگی کا مظاہرہ کیا اور فائنل میں 5 کھلاڑی بھی آؤٹ کیے تھے جس کے بعد ان کی نیوزی لینڈ کے خلاف سیریز کیلئے قومی ٹیم میں واپسی کی باتیں ہونے لگی ہیں۔ان کے ٹیم میں شمولیت کے بعد ٹی ٹونٹی ورلڈ کپ میں پاکستان کی فتح کے چانسز بڑھ سکتے ہیں –