چند ماہ قبل ایک ویڈیو وائرل ہوئی تھی جس میں ایک بدبخت شخص قرآن پاک کی بے حرمتی کرتے دیکھا گیا اس پر پوری دنیا کے مسلمانوں کی جانب سے سخت ردعمل سامنے آیا تو مسمانوں کے دل زخمی کرنے والا یہ شخص سویڈن سے ناروے منتقل ہوگیا
ملعون عراقی نژاد سلوان صباح مومیکا مبینہ طور پر ناروے میں مردہ حالت میں پایا گیا۔
روزنامہ جنگ نے غیر ملکی میڈیا رپورٹس کے حوالے سے بتایا کہ سویڈن کے دارالحکومت سٹاک ہوم میں قرآن کی بے حرمتی کرکے شہرت حاصل کرنے والا 37 سالہ ملعون سلوان مومیکا حال ہی میں سویڈن سے ناروے منتقل ہوا تھا۔سماجی رابطے کی ویب سائٹ ایکس پر 27 مارچ کو پوسٹ شیئر کرتے ہوئے ملعون نے صارفین کو آگاہ کیا تھا کہ وہ ناروے حکام کی حفاظت میں سویڈن سے ناروے منتقل ہو رہا ہے۔ اپنی پوسٹ میں منتقلی کی وجہ بیان کرتے ہوئے اس نے یہ بھی بتایا تھا کہ ’میں نے ناروے میں پناہ اور بین الاقوامی تحفظ کے لئے درخواست دی ہے کیونکہ سویڈن فلسفیوں اور مفکرین کے لئے نہیں بلکہ صرف دہشت گردوں کے لئے پناہ قبول کرتا ہے۔ اس بدبخت نے اپنی حرکت پر شرمساری ظاہر کرنے کی بجائےیہ بھی لکھا تھا کہ ’میں اسلام کے خلاف اپنی جدوجہد جاری رکھوں گا، میں نے اس کی قیمت ادا کی ہے اور آگے بھی ادا کرتا رہوں گا اور میں اس کے لئے تیار ہوں، چاہے مجھے کوئی بھی قیمت ادا کرنا پڑے‘۔
غیر ملکی میڈیا رپورٹس کے مطابق ابتدائی اطلاعات کے مطابق پولیس نے گستاخِ قرآن کی لاش ملنے کے بعد تحقیقات کا آغاز کردیا ہے۔واضح رہے کہ قرآن پاک کی متعدد بار بے حرمتی کرنے والا سلوان مومیکا عراق کے صوبے موصل کے ضلع الحمدانیہ سے تعلق رکھتا تھا۔سلوان مومیکا اس سے قبل عراقی شہر نینوا میں ملیشیا کی سربراہی بھی کرچکا ہے مگر وہاں بھی وہ دھوکا دہی سمیت متعدد کیسز میں عراق کو مطلوب تھا اور اسی وجہ سے وہ اپنی جان چھڑا کر سویڈن فرار ہو گیا تھا اوراس کی حوالگی کے لیے عراقی حکومت کی جانب سے باقاعدہ طور پر سویڈش حکومت سے درخواست بھی کی گئی تھی تاہم سویڈن نے سلوان کو عراق کے حوالے نہیں کیا تھا مگر گزشتہ برس کے اختتام پر قرآن پاک کی بے حرمتی کے واقعے کے بعد یہ خبر سامنے آئی تھی کہ سویڈن نے سلوان کا مستقل رہائشی اجازت نامہ منسوخ کر دیا ہے جس کے بعد اب وہ حال ہی میں ناروے منتقل ہوگیا تھا۔واضح رہے عراقی نژاد سلوان صباح مومیکا عیسائی مزہب سے تعلق رکھتا تھا مگر پھر دنیا کے لال و زر کی حوس کے سبب وہ ملحد ہو گیا تھا اور اپنا تعارف ’ایک لبرل ملحد نقاد اور مفکر‘ کے طور پر کرواتا تھا۔تاہم آج اس کا خاتمہ ہوا اور اس کو اپنے برے کرموں کی سزا مل گئی تاہم ابھی تک یہ سامنے نہیں آسکا کہ اس کے انتقال کی وجہ کیا بنی ؟-