ایک خوفناک واقعہ، ایک نوجوان کو ایک بڑے آدمی سے شادی کرنے سے انکار پر تشدد، ذلیل اور جنسی طور پر ہراساں کیا گیا، جو اس کے دوست کا باپ ہے۔9 اگست کو ہونے والی زیادتی کی ویڈیو بدھ کی صبح منظر عام پر آئی اور سوشل میڈیا پر وائرل ہوگئی۔ اس میں لڑکی کو تشدد کا نشانہ بنایا جا رہا ہے جبکہ پس منظر میں ایک خاتون کی آواز سنی جا سکتی ہے جو فیکٹری مالک کی قریبی عزیز ہے ۔
مجرموں نے متاثرہ لڑکی کے بال کاٹے ، بھنویں مونڈ دیں اور پھر جوتے چاٹنے پر مجبور کیا اور اس کی یہ ویڈیو بھی انٹرنیٹ پر ڈال دی ۔متاثرہ لڑکی کا کہنا تھا کہ اس کی دوست کا والد جو کہ ایک فیکٹری کا مالک تھا، اسے اس سے شادی کرنے پر مجبور کر رہا تھا لیکن جب اس نے انکار کیا تو اس کے ساتھ بدسلوکی کی گئی، ہراساں کیا گیا اور فلم بنائی گئی۔ اس نے کہا کہ اس کے دوست نے بھی اسے اس کے باپ سے شادی تجویز کو قبول کرنے پر مجبور کیا تھا ۔
معاملے کا نوٹس لیتے ہوئے، پولیس نے مقدمہ درج کیا ، مرکزی ملزم فیکٹری مالک اور اس کے اہل خانہ سمیت چھ افراد کو گرفتار کر لیا گیا ملزمان کو آج کو مجسٹریٹ کی عدالت میں پیش کیا جائے گااس سے قبل، پولیس نے مبینہ طور پر کہا تھا کہ گرفتار ملزمان میں مرکزی ملزم کی بیوی بھی شامل ہے، مبینہ طور پر ویڈیو میںجو نسوانی آواز ہے وہ اسی خاتون کی ہے۔بعد ازاں مرکزی ملزم کے خلاف تھانہ کھریاں والا میں الگ الگ مقدمہ درج کیا گیا، چھاپے کے دوران ملزم کے گھر سے شراب اور اسلحہ بھی برآمد ہوا۔
